Əsas səhifə Testlər TQDK inkişaf dinamikası 1996 Azərbaycan dili - VII qrup, Variant A

Tapılan ümumi test sayı : 28

Hansı fikir S.Rəhimovun "Mehman" əsərindəki Murtuz Murtuzov obrazının səciyyəsinə uyğundur?
A) Namuslu hüquq işçisidir.
B) Mehmana gənc prokuror kimi hörmət bəsləyir.
C) Mütilik və yaltaqlıq maskası taxır, təlxəklik edir, məqam gəldikdə qəddarlığını biruzə verir.
D) Öz ləyaqətini gözləyir, ədalətsizliyə yol vermir.
E) Fağır, kimsəsiz, xeyirxah qoca qılafına girir, nəvazişlə danışır.
S.Vurğunun aşağıdakı əsərlərindən biri  müharibə mövzusunda deyil:
A) "Mənə belə söylədilər..."
B) "Zəncinin arzuları"
C) "Qızıl şahinlər"
D) "Ananın öyüdü"
E) "Şəfqət bacısı"
M.Ə.Sabirin Azərbaycanda, Yaxın və Orta Şərq ölkələrində əməlpərvər, qüdrətli  xalq şairi kimi şöhrət qazanmasında hansı mətbuat orqanının xüsusi rolu olmuşdur?
A) "Molla Nəsrəddin"
B) "Həyat"
C) "Şərqi-Rus"
D) "Dəbistan"
E) "Füyuzat"
M.F.Axundovun bizə gəlib çatan nəzm əsərləri içərisində tarix etibarilə ilk yazılanı hansıdır?
A) "A.S.Puşkinin ölümü haqqında Şərq poeması"
B) "Əlifba haqqında mənzumə
C) Bu, məlum deyil.
D) "Zakirə məktub"
E) "Zəmanədən şikayət"
A.Bakıxanov fars dilinin qrammatikasından bəhs edən əsəri:
A) "Qanuni-Qüdsi"
B) "Təhzibi-əxlaq"
C) "Mişkatül - ənvar"
D) "Gülüstani-İrəm"
E) "əsrarül - mələküt"
M.Füzulinin hansı əsərində XVI əsrin feodal-patriarxal münasibətləri, insan təbiətinə, azad məhəbbətə zidd olan adət-ənənələr, qadın hüquqsuzluğu tənqid olunur?
A) "Leyli və Məcnun"
B) "Şikayətnamə"
C) "Söz"
D) "Məni candan usandırdı"
E) "Padişahi-mülk"
Nizami bu fikri hansı obraz haqqında deyir?
İndi o ədalət, o insaf hanı?!
Verə öz oğluna belə cəzanı.
İndi yüz yoxsulun tökülsə qanı,
Nahaq qan tökənə bir cəza hanı?
A) Məhinbanu
B) İsgəndər
C) Xosrov
D) Hörmüz
E) Bəhram
Bədii əsərin sonunda verilən və onun yekunu olan kiçik hissə necə adlanır?
A) portret
B) peyzaj
C) epiqraf
D) epiloq
E) proloq
Remarkadan hansı ədəbi növdə istifadə olunur?
A) lirik
B) dramatik
C) lirik, epik
D) epik
E) epik, dramatik
Epik növün hansı janrında yumor daha güclüdür?
A) dastan
B) nağıl
C) lətifə
D) atalar sözü
E) əfsanə
"Mən bilirəm ki, çəkilən əmək itmir" - cümləsi tabeli mürəkkəb cümlənin hansı növünə aiddir?
A) xəbər budaq cümləsi
B) təyin budaq cümləsi
C) tamamlıq budaq cümləsi
D) mübtəda budaq cümləsi
E) səbəb budaq cümləsi
Verilmiş cümlədə xitab nə ilə ifadə olunmuşdur?
"Möhtərəm dostlar, mən həmişə öz nəğmələrimlə insanları sevindirmişəm"
A) isimlə
B) mürəkkəb adla
C) II növ ismi birləşmə ilə
D) feli sifətlə
E) I növ ismi birləşmə ilə
Cüttərkibli müxtəsər cümlə hansıdır?
A) Gedənin dalınca danışmazlar.
B) Yıxılana gülməzlər.
C) Yüz dəfə ölç, bir dəfə biç.
D) Cavid mənalı-mənalı gülümsünürdü.
E) Bu, Müşkinazın xatirələrindəndir.
Nümunələrdən biri adlıq cümlədir:
A) El hara, sən də ora.
B) Üç oğlu. İki nəvəsi alimdir.
C) Yeni uğurlar qazanaq.
D) Döyüşçü qorxmaz olmalıdır.
E) Yaz günü. Yol üstü. Ağac kölgəsi.
Aşağıdakı nümunədə xəbər nə ilə ifadə olunmuşdur?
Hər irəliləyişin və qurtuluşun anası azadlıqdır.
A) isimlə
B) sifətlə
C) sayla
D) feli sifətlə
E) məsdərlə
Sifətdən düzəlmiş isimlər hansı cərgədədir?
A) yüzlük, onluq, çoxluq
B) dostluq, tanışlıq, qardaşlıq
C) şadlıq, təmizlik, zəiflik
D) birlik, gündəlik, həkimlik
E) dərzilik, ustalıq, mühəndislik
"İndi növbə sizindir" cümləsində "indi" hansı nitq hissəsidir?
A) fel
B) isim
C) sifət
D) say
E) zərf
Verilmiş sözlərdən neçəsi feldən düzələn sifətdir?
tutqun, uçuq, kütləvi, bənövşəyi, böyük, azyaşlı, yoldakı, əzik
A) iki
B) beş
C) üç
D) dörd
E) altı
Qoşmalar ismin hansı hallarında olan sözlərə qoşulur?
A) yiyəlik, yönlük, çıxışlıq
B) çıxışlıq, təsirlik, yönlük
C) adlıq, təsirlik, yerlik
D) yönlük, yerlik, çıxışlıq
E) təsirlik, çıxışlıq, adlıq
Feli bağlama şəkilçiləri hansıdır?
A) -ır4, -dan2, -malı2
B) -acaq4, -maq2, -dan2
C) -sız4, -an2, -ar2
D) -araq2, -ıb4, -anda2, -madan2
E) -dı4, -çı4, -lıq4
Yoxlamadan sonra nəticə burada göstəriləcək
Top