Əsas səhifə Testlər TQDK inkişaf dinamikası 1998 Azərbaycan dili - III qrup, Variant A

Tapılan ümumi test sayı : 26

Sözlərdən birində səslərin sayı hərflərin sayından azdır:
A) sərbəstlik
B) addım
C) müstəqillik
D) suverenlik
E) minnət
Hansı sözlərdə -dan2 leksik şəkilçidir?
1. qəsdən
2. ucadan
3. çoxdan
4. hərdən
5. əzəldən
6. yorulmadan
7. hamıdan
A) 1, 2, 5
B) 3, 4, 5, 6
C) 4, 6, 7
D) 1, 2, 6, 7
E) 2, 3, 4
"Heca vəzninin işlənmə tarixi daha qədimdir. Azərbaycan dilinin fonetik təhlilinə uyğun yaranan heca vəzni ədəbiyyatşünaslıqda milli şer ölçüsü hesab edilir."
Yuxarıdakı mətn hansı üsluba aiddir?
A) məişət
B) bədii
C) publisistik
D) rəsmi-işgüzar
E) elmi
M.Ə.Sabir aşağıdakı şerlərindən birində İran Milli Məclisinin acınacaqlı taleyini türk zəhmətkeşlərinə xatırladırdı:
A) "Səbr eylə"
B) "Aldanmaram"
C) "Ruhum"
D) "Ürəfa marşı"
E) "Yatmayın, allahı sevərsiz!"
Verilmiş nümunədə hansı bədii təsvir vasitəsindən istifadə edilmişdir?
Yalqızlıq içində sıxılır ürək,
Atını dördnala çapdırır külək.
A) təşbeh
B) metafora
C) metonimiya
D) təzad
E) epitet
R.Rzanın "...İtkisi əhəmiyyətsizdir" şerinin lirik qəhrəmanını narahat edən nə idi?
A) atom sınağının fəlakətləri və buna laqeyd münasibət
B) qanlı müharibələr və ölüm düşərgələri
C) repressiya qurbanlarının acı taleyi
D) milli mədəniyyət abidələrinin baxımsız vəziyyətə düşməsi
E) canlı təbiətə qəsd
XIX əsrin əvvəllərində yaranan Azərbaycan poeziyası haqqında hansı fikir səhvdir?
A) Poeziyanın aparıcı xətti lirika idi.
B) Əsərin əvvəllərində poeziya ədəbiyyatda başlıca yer tuturdu.
C) Şairlərin çoxunun yaradıcılığında sufizm dünyagörüşü geniş yer tutmurdu.
D) Bu dövrün poeziyasında epik və epik-lirik janrlara təsadüf olunmur.
E) Bu dövrdə poeziyada yeni bir ədəbi cərəyan - satira meydana gəlir.
XIII əsrə qədərki saray ədəbiyyatı ilə bağlı fikirlərdən biri səhvdir:
A) Qəsidə yazmaq ənənəsi daha çox yayılmışdı.
B) Saraylarla bağlı olduğu üçün bülə adlanır.
C) Bu ədəbiyyat, əsasən, fars dilində yaranırdı.
D) Yalnız hökümdarların tərifi ilə məhdudlaşırdı.
E) XII əsrin ədəbi qüvvələri daha çox Şirvanşahlar sarayında toplaşmışdı.
Hansı sənətkarlar Ş.İ.Xətayinin həyatından bəhs edən roman yazmışlar?
1. M.İbrahimov             2. Ə.Cəfərzadə
3. Ə.Nicat                     4. İ.Hüseynov
5. F.Kərimzadə
A) 3, 4, 5
B) 1, 4, 5
C) 1, 2, 3
D) 2, 3, 4
E) 2, 3, 5
Boynunu mən yağlaram,
Yaman gözü dağlaram.
Tez çək, maral öküzüm,
Geri qalsan ağlaram.
Şerin janrını və misradaxili bölgüsünü müəyyənləşdirin.
A) Bayatıdır, 3-4 bölgüsündədir.
B) Holavardır, 4-3 bölgüsündədir.
C) Sayaçı sözüdür, 4-3 bölgüsündədir.
D) Holavardır, 3-4 bölgüsündədir.
E) Sayaçı sözüdür, 3-4 bölgüsündədir.
Faciə yazmış sənətkarlar hansılardır?
1. N.Vəzirov
2. M.F.Axundzadə
3. N.Nərimanov
4. İ.Əfəndiyev
5. H.Cavid
A) 1, 4, 5
B) 3, 4, 5
C) 2, 3, 4
D) 2, 3, 5
E) 1, 3, 5
Y.V.Çəmənzəminlinin mühacirətdən qayıtdıqdan sonra çap olunmuş ilk kitabı:
A) "Azərbaycan ədəbiyyatına bir nəzər"
B) "Keçmiş səhifələr"
C) "Studentlər"
D) "Qızlar bulağı"
E) "Qan içində"
O, bu əvəzliklərinin hansından sonra durğu işarələri düzgün qoyulmamışdır?
1. Bu, ömür kitabımdır.
2. O, yerlərin meşələri çox səfalıdır.
3. Hələ o, günləri xeyli xatırlayacaqsan.
4. Demə, o, dostumdur, bu, düşmənimdir.
5. Bu, müəllim V kursda mühazirə oxuyacaqdır.
A) 2, 3, 5
B) 1, 3
C) 1, 2, 3
D) 2, 3, 4
E) 3, 4, 5
Xəbər budaq cümləli tabeli mürəkkəb cümləni göstərin:
A) O yerdə ki, təmizlik var, orada xəstəlik olmaz.
B) İgid odur ki, dərdli gündə özünü itirməsin.
C) Motor birdən elə guruldadı ki, qulaqlarımız tutuldu.
D) Yaxşı yadımdadır ki, biz ilk dəfə qatarda tanış olmuşduq.
E) Rica edirəm, içəri buyurasınız.
"Elan" sözünün leksik təhlili ilə bağlı fikirlərdən biri yanlışdır:
A) Ümumişlək sözdür.
B) Alınma sözdür.
C) Antonimi yoxdur.
D) Sinonimi "bildiriş" sözüdür.
E) Çoxmənalı sözdür.
Dialoji nitq hansı üslubda daha çox işlənir?
A) bədii və elmi
B) publisistik üslubda
C) məişət üslubunda
D) rəsmi-işgüzar üslubda
E) elmi və publisistik üslubda
Tərkibində yalnız qapalı saitlər işlənmiş, ahəng qanununa tabe olmayan əsl Azərbaycan sözlərini göstərin:
1. ilan               2. vücud             3. işıq
4. şüur             5. vacib               6. ildırım
A) 1, 6
B) 3, 6
C) 2, 5
D) 4, 5
E) 1, 2
"Canını oda yaxmaq" frazeoloji birləşməsinin sinonimi:
A) canına yağ kimi yayılmaq
B) gözünün odunu almaq
C) mınəm-mənəm demək
D) dəridən-qabıqdan çıxmaq
E) burnunun ucu göynəmək
Feli sifətin hansı əlaməti feli bağlamaya aid edilə bilməz?
A) ətrafına söz toplaya bilməsi
B) felin müxtəlif məna növlərində ola bilməsi
C) təsirli və təsirsiz ola bilməsi
D) təsdiq və inkarda ola bilməsi
E) xəbərlik şəkilçisini qəbul etməsi və ismi xəbər olması
"Belələrinə çox təsadüf edilir" cümləsindəki felin morfoloji təhlilində səhv harada buraxılmışdır?
A) Xəbər şəklindədir.
B) İndiki zamandadır.
C) III şəxsin təkindədir.
D) Məchul növdədir.
E) Tərkibi feldir.
Yoxlamadan sonra nəticə burada göstəriləcək
Top