Əsas səhifə Testlər TQDK inkişaf dinamikası 1999 Azərbaycan dili - II qrup, Variant A

Tapılan ümumi test sayı : 28

İ.Qutqaşınlının "Rəşid bəy və Səadət xanım" hekayəsində Səadət xanım obrazı ilə bağlı fikirlərdən hansı səhvdir?
A) O, tək və arxasız olduğu üçün qarşısındakı maneələri yarıb sevgilisi Rəşid bəyə qovuşa bilmir.
B) Səadət xanımı yaşca özündən xeyli kiçik bir adama ərə vermək istəyirlər.
C) Müəllif Səadət xanımın simasında yeni fikirli gəncliyin nəcib insani xüsusiyyətlərini canlandırır.
D) Səadət xanım qulluqçusu Şamaha səmimi və mehriban münasibət bəsləyir.
E) Öz məhəbbətində vəfalı olan Səadət xanım romantik ruhlu, həssas, insanpərvər bir qızdır.
Ədəbi irsi 17 min şer "Divan"ından, "Töhfətül-İraqeyn" poemasında 60-dan çox bədii nəsr nümunələrindən - məktublardan ibarət olan Azərbaycan şairi:
A) Qətran Təbrizi
B) Fələki Şirvani
C) Məhsəti Gəncəvi
D) Nizami Gəncəvi
E) Əfzələddin Xaqani
"Qonur atın vergil mana,
Altmış tutam göndərini vergil mana,
Ap-alaca qalxanını vergil mana...
Kafirə mən varayım".
Bu sözləri "Kitabi-Dədə Qorqud" dastanının hansı qəhrəmanı Salur Qazana deyir?
A) Aruz
B) Qaragünə
C) Beyrək
D) Qaraca Çoban
E) Uruz
Aşağıdakı nümunə hansı sənətkarın əsərindəndir?
" - Mənim anam kimdir?
Öz-özümə cavab verirə ki:
- Mənim anam rəhmətlik Zəhrəbanu bacı idi.
- Dilim nə dildir?
- Azərbaycan dilidir!"
A) Ə.Hüseynzadə
B) C.Məmmədquluzadə
C) Ə.Ağaoğlu
D) M.Ə.Rəsulzadə
E) N.Nərimanov
"Əlimdə bir əsa, gözümdə çeşmək,
Loğman tək gəzirəm vətən mülkünü."
Bu misralarda hansı bədii təsvir vasitəsi vardır?
A) epitet
B) simvol
C) metafora
D) metonimiya
E) təşbeh
Beytlər şəklində olan şer janrları hansılardır?
A) rübai, tuyuq, qitə
B) bayatı, qəzəl, qitə
C) qəzəl, qoşma, təcnis
D) məsnəvi, müxəmməs, qəzəl
E) qəzəl, qəsidə, qitə
Şerin müəllifi kimdir?
Zirvəndə oynaşan rüzgarlı acı,
İllərdir görünməz başının tacı,
Anlat ki, dərdinin nədir əlacı,
Nədir bu dumandan tüllər, a dağlar?!
A) Ə.Cavad
B) S.Vurğun
C) A.İldırım
D) M.Müşfiq
E) H.Cavid
M.F.Axundzadənin axırıncı komediyası:
A) "Sərgüzəşti-vəziri-xani-Lənkəran"
B) "Hekayəti-Molla İbrahimxəlil kimyagər"
C) "Hekayəti-xırs quldurbasan"
D) "Mürafiə vəkillərinin hekayəti"
E) "Hekayəti - şüsyö Jordan və dərviş Məstəli şah"
Ana dilimizdə yazılmış bu əsərlərdən birinin giriş hissəsində baharın təsviri verilir:
A) Nizami. "İsgəndərnamə"
B) Xətai. "Dəhnamə"
C) Nizami. "Xosrov və Şirin"
D) Füzuli. "Leyli və Məcnun"
E) Füzuli. "Rindü Zahid"
Rəsul Rzanın 60-70-ci illər lirikasının əsas və səciyyəvi mövzusu:
A) vətən məhəbbəti, torpağa bağlılıq
B) insan və onun taleyi
C) yeni həyatın tərənnümü
D) repressiya dövrünün günahsız qurbanları
E) cənub həsrəti
Feli sifətə dair səhv fikri göstərin:
A) Feli sifət isimləşə bilmir.
B) Təsdiq və inkar, təsirli və təsirsiz olur.
C) Həm felin, həm də sifətin əlamətlərini daşıyır.
D) Cümlədə ən çox təyin vəzifəsində işlənir.
E) Aid olduğu ismin əvvəlində gəlir.
Əsl Azərbaycan sözlərindən ibarət olan sinoniməri göstərin:
A) istedad-bacarıq
B) böyük-iri
C) rütbə-çin
D) dünya-aləm
E) dairə-çevrə
Biri işgüzar sənədlərə daxil deyil:
A) protokol
B) əmr
C) tərcümeyi-hal
D) elan
E) arayış
III növ təyini söz birləşmələri hansı sıradadır?
A) səpin yeri, alın yazısı
B) idmançıların biri, onların arzusu
C) qol saatı, cib dəftərçəsi
D) asılı tərəf, bürkülü hava
E) əli silahlı, beli kəmərli
Şərt budaq cümləli tabeli mürəkkəb cümlə baş cümləyə hansı vasitə ilə bağlanmışdır?
Əgər biz düşmənə vaxtında cavab versəydik, bu gün belə böyük bəlalarla üzləşməzdik.
A) bağlayıcı ilə
B) -sa2 şəkilçisi iə
C) ədatla
D) "əgər" bağlayıcısı və -sa2 şəkilçisi ilə
E) bağlayıcı sözlə
"Yazmalıyammış" sözünün morfoloji təhlilində harada səhvə yol verilmişdir?
A) -mış - felin nəqli keçmiş zaman şəkilçisi
B) -malı - felin vacib şəklinin şəkilçisi
C) -yam - şəxs şəkilçisi
D) məlum növdədir
E) yaz - sözün kökü, fel
"Quşun qanadı" və "təyyarənin  qanadı" birləşmələrindəki "qanad" sözü aşağıdakılardan hansına aiddir?
A) çoxmənalı söz
B) təkmənalı söz
C) omonim
D) sinonim
E) antonim
Azərbaycan dili hansı xüsusiyyətlərinə görə iltisaqi dillərı daxildir?
A) Alınma sözlərin azlığına görə
B) Türk dilləri ilə qohumluğuna görə
C) Lüğət tərkibinin zənginliyinə görə
D) Cümlədəki sözlərin sırasına görə
E) Morfoloji quruluşuna görə
Yalnız təyini əvəzliklərdən ibarət cərgəni göstərin:
A) hər, ora, heç kim
B) o, bütün, kim
C) bütün, öz, hər
D) bütün, mən, bu
E) sən, öz, heç kəs
"Qonaqları şam süfrəsi arxasında əyləşməyə dəvət etdilər." cümləsindəki vasitəli tamamlıq nə ilə ifadə olunmuşdur?
A) isimlə
B) məsdər tərkibi ilə
C) məsdərlə
D) feli sifət tərkibi ilə
E) II növ təyini söz birləşməsi ilə
Yoxlamadan sonra nəticə burada göstəriləcək
Top