Əsas səhifə Testlər TQDK inkişaf dinamikası 1999 Azərbaycan dili - II qrup, Variant A

Tapılan ümumi test sayı : 28

İ.Qutqaşınlının "Rəşid bəy və Səadət xanım" hekayəsində Səadət xanım obrazı ilə bağlı fikirlərdən hansı səhvdir?
A) O, tək və arxasız olduğu üçün qarşısındakı maneələri yarıb sevgilisi Rəşid bəyə qovuşa bilmir.
B) Səadət xanımı yaşca özündən xeyli kiçik bir adama ərə vermək istəyirlər.
C) Öz məhəbbətində vəfalı olan Səadət xanım romantik ruhlu, həssas, insanpərvər bir qızdır.
D) Müəllif Səadət xanımın simasında yeni fikirli gəncliyin nəcib insani xüsusiyyətlərini canlandırır.
E) Səadət xanım qulluqçusu Şamaha səmimi və mehriban münasibət bəsləyir.
Ədəbi irsi 17 min şer "Divan"ından, "Töhfətül-İraqeyn" poemasında 60-dan çox bədii nəsr nümunələrindən - məktublardan ibarət olan Azərbaycan şairi:
A) Qətran Təbrizi
B) Əfzələddin Xaqani
C) Fələki Şirvani
D) Məhsəti Gəncəvi
E) Nizami Gəncəvi
"Qonur atın vergil mana,
Altmış tutam göndərini vergil mana,
Ap-alaca qalxanını vergil mana...
Kafirə mən varayım".
Bu sözləri "Kitabi-Dədə Qorqud" dastanının hansı qəhrəmanı Salur Qazana deyir?
A) Qaraca Çoban
B) Aruz
C) Beyrək
D) Qaragünə
E) Uruz
Aşağıdakı nümunə hansı sənətkarın əsərindəndir?
" - Mənim anam kimdir?
Öz-özümə cavab verirə ki:
- Mənim anam rəhmətlik Zəhrəbanu bacı idi.
- Dilim nə dildir?
- Azərbaycan dilidir!"
A) N.Nərimanov
B) C.Məmmədquluzadə
C) Ə.Hüseynzadə
D) Ə.Ağaoğlu
E) M.Ə.Rəsulzadə
"Əlimdə bir əsa, gözümdə çeşmək,
Loğman tək gəzirəm vətən mülkünü."
Bu misralarda hansı bədii təsvir vasitəsi vardır?
A) epitet
B) metonimiya
C) təşbeh
D) metafora
E) simvol
Beytlər şəklində olan şer janrları hansılardır?
A) rübai, tuyuq, qitə
B) qəzəl, qəsidə, qitə
C) bayatı, qəzəl, qitə
D) qəzəl, qoşma, təcnis
E) məsnəvi, müxəmməs, qəzəl
Şerin müəllifi kimdir?
Zirvəndə oynaşan rüzgarlı acı,
İllərdir görünməz başının tacı,
Anlat ki, dərdinin nədir əlacı,
Nədir bu dumandan tüllər, a dağlar?!
A) A.İldırım
B) Ə.Cavad
C) H.Cavid
D) M.Müşfiq
E) S.Vurğun
M.F.Axundzadənin axırıncı komediyası:
A) "Sərgüzəşti-vəziri-xani-Lənkəran"
B) "Hekayəti-xırs quldurbasan"
C) "Hekayəti - şüsyö Jordan və dərviş Məstəli şah"
D) "Mürafiə vəkillərinin hekayəti"
E) "Hekayəti-Molla İbrahimxəlil kimyagər"
Ana dilimizdə yazılmış bu əsərlərdən birinin giriş hissəsində baharın təsviri verilir:
A) Füzuli. "Rindü Zahid"
B) Füzuli. "Leyli və Məcnun"
C) Nizami. "İsgəndərnamə"
D) Xətai. "Dəhnamə"
E) Nizami. "Xosrov və Şirin"
Rəsul Rzanın 60-70-ci illər lirikasının əsas və səciyyəvi mövzusu:
A) yeni həyatın tərənnümü
B) cənub həsrəti
C) repressiya dövrünün günahsız qurbanları
D) vətən məhəbbəti, torpağa bağlılıq
E) insan və onun taleyi
Feli sifətə dair səhv fikri göstərin:
A) Həm felin, həm də sifətin əlamətlərini daşıyır.
B) Feli sifət isimləşə bilmir.
C) Təsdiq və inkar, təsirli və təsirsiz olur.
D) Cümlədə ən çox təyin vəzifəsində işlənir.
E) Aid olduğu ismin əvvəlində gəlir.
Əsl Azərbaycan sözlərindən ibarət olan sinoniməri göstərin:
A) dünya-aləm
B) böyük-iri
C) istedad-bacarıq
D) dairə-çevrə
E) rütbə-çin
Biri işgüzar sənədlərə daxil deyil:
A) əmr
B) protokol
C) arayış
D) elan
E) tərcümeyi-hal
III növ təyini söz birləşmələri hansı sıradadır?
A) əli silahlı, beli kəmərli
B) idmançıların biri, onların arzusu
C) asılı tərəf, bürkülü hava
D) qol saatı, cib dəftərçəsi
E) səpin yeri, alın yazısı
Şərt budaq cümləli tabeli mürəkkəb cümlə baş cümləyə hansı vasitə ilə bağlanmışdır?
Əgər biz düşmənə vaxtında cavab versəydik, bu gün belə böyük bəlalarla üzləşməzdik.
A) "əgər" bağlayıcısı və -sa2 şəkilçisi ilə
B) bağlayıcı ilə
C) -sa2 şəkilçisi iə
D) ədatla
E) bağlayıcı sözlə
"Yazmalıyammış" sözünün morfoloji təhlilində harada səhvə yol verilmişdir?
A) -mış - felin nəqli keçmiş zaman şəkilçisi
B) -malı - felin vacib şəklinin şəkilçisi
C) məlum növdədir
D) -yam - şəxs şəkilçisi
E) yaz - sözün kökü, fel
"Quşun qanadı" və "təyyarənin  qanadı" birləşmələrindəki "qanad" sözü aşağıdakılardan hansına aiddir?
A) təkmənalı söz
B) antonim
C) omonim
D) sinonim
E) çoxmənalı söz
Azərbaycan dili hansı xüsusiyyətlərinə görə iltisaqi dillərı daxildir?
A) Alınma sözlərin azlığına görə
B) Lüğət tərkibinin zənginliyinə görə
C) Cümlədəki sözlərin sırasına görə
D) Morfoloji quruluşuna görə
E) Türk dilləri ilə qohumluğuna görə
Yalnız təyini əvəzliklərdən ibarət cərgəni göstərin:
A) o, bütün, kim
B) sən, öz, heç kəs
C) bütün, öz, hər
D) bütün, mən, bu
E) hər, ora, heç kim
"Qonaqları şam süfrəsi arxasında əyləşməyə dəvət etdilər." cümləsindəki vasitəli tamamlıq nə ilə ifadə olunmuşdur?
A) məsdər tərkibi ilə
B) II növ təyini söz birləşməsi ilə
C) feli sifət tərkibi ilə
D) məsdərlə
E) isimlə
Yoxlamadan sonra nəticə burada göstəriləcək
Top