Əsas səhifə Testlər TQDK inkişaf dinamikası 2001 Azərbaycan dili - I qrup, Variant A

Tapılan ümumi test sayı : 22

S.Rüstəmin müharibə dövrü insanlarının xarakterik xüsusiyyətlərini əks etdirən bu süjetli şerini kiçik poema da hesab etmək olar:
A) "Gecənin romantikası"
B) "Çiçək mağazası"
C) "Gün o gün olsun ki ..."
D) "Döyüşçüyə məktub"
E) "Ana və poçtalyon"
"Nadir şah" əsərində quldurluq və soyğunçuluqla tanınmış Nadirin gözlərini açmağa çalışaraq onu yaman peşədən uzaqlaşmağa, fikrini və gücünü millət, vətən yolunda sərf etməyə çağıran və buna nail olan obraz:
A) Şah Təhmas
B) Gülcahan
C) Cavad
D) Rzaqulu
E) Gürcü bəy
Qəsidənin hansı növündə Allahın fəzilətləri tərənnüm edilir?
A) nət
B) minacat
C) mədhiyyə
D) fəxriyyə
E) mərsiyə
Şifahi xalq ədəbiyyatına aid edilən əlamətlərdən biri səhvdir:
A) Özünəməxsus janr və dil-ifadə xüsusiyyətləri vardır.
B) Yalnız lirik və epik janrları olur.
C) Çoxvariantlı ədəbiyyatdır.
D) Şifahi şəkildə yaranır və inkişaf edir.
E) Ümumxalq təfəkkürünün məhsuludur.
Bu əsərdə şəxsləndirmədən bir bədii üsul kimi istifadə edilir. Baş qəhrəman öz həyat sərgüzəştlərini sahibi Mirzə Cəfərə danışır və bu sərgüzəştləri "böyük mütəfəkkirin icmalı və ruzigarın bir nümunəsi" adlandırır:
A) "Şikayətnamə"
B) "Sələbiyyə"
C) "Danabaş kəndinin əhvalatları"
D) "İbrahim bəyin səyahətnaməsi"
E) "Kitab yüklü eşşək"
Əsərin fabulası kasıb bir kəndli ilə dövlətli qızının sevgi macərası üzərində qurulmuşdur.Bir-birini sevən iki gənc ictimai bərabərsizliyin yaratdığı maneələrə baxmayaraq, əsərin sonunda öz istəklərinə qovuşur:
Bu parçada M.F.Axundzadənin hansı əsərindən bəhs edilir?
A) "Hekayəti-müsyö Jordon və dərviş Məstəli şah"
B) "Hekayəti-xırs quldurbasan"
C) "Mürafiə vəkillərinin hekayəti"
D) "Hacı Qara"
E) "Sərgüzəşti-vəziri-xani-Lənkəran"
Boyun sürahidir, bədənin büllur,
Gərdənin çəkilmiş minadan, Pəri!
Sən ha bir sonasan, cüda düşübsən
Bir bölük yaşılbaş sonadan, Pəri!
Verilmiş bənd haqqında fikirlərdən hansı səhvdir?
A) Qoşmanın birinci bəndidir.
B) Bənddə gözəlin zahiri portretinin müəyyən cizgiləri nəzərə çatdırılır.
C) Təşbehdən istifadə olunmuşdur.
D) "Minadan", "sonadan" sözləri qafiyədir.
E) "Pəri" sözü təkrirdir.
Bu misralar C.Cabbarlının hansı şerindən götürülmüşdür?
Bütün vücudum əsər, ruhum eyləyər pərvaz,
Uçar səmalara o aləmi-xəyalətdə.
Yatar, ölər bədənim, nitqdən düşər bir söz
... ... Sənə mən rahibəm itaətdə!
A) "Böhtan yazılıbdır"
B) "Ana"
C) "Bahar"
D) "Qürub çağı bir yetim"
E) "Boranlı qış gecəsi"
M.P.Vaqifin şerləri:
1. "Hayıf ki, yoxdur"
2. "Badi-səba, söylə mənim yarıma"
3. "Eylər"
4. Gəlsin, gəlməsin?"
5. "Pəri"
6. Görmədim"
A) 1, 3, 4
B) 1, 2, 3
C) 2, 3, 6
D) 1, 5, 6
E) 3, 4, 5
Aşağıdakı əsərlərdən birinin müəllifi məlum deyil:
A) "Vərqa və Gülşa"
B) "Mehr və Müştəri"
C) "Nəsihətnamə"
D) "Rindü Zahid"
E) "Dastani-Əhməd Hərami"
"Əcnəbilər seyrə balonlarla çıxır.
Biz hələ avtomobil minməyiriz"  (M.Ə.Sabir)     tabesiz mürəkkəb cümləsinin tərəfləri arasında hansı məna əlaqəsi vardır?
A) qarşılaşdırma
B) bölüşdürmə
C) ardıcıllıq
D) aydınlaşdırma
E) zaman
Mətn hansı üslubdadır?
"Malyeriya infeksion xəstəliklərdən biridir. Bu xəstəliyin əsas əlaməti qızdırmadır.
Malyariyanı ağcaqanadlar yayır..."
A) bədii
B) rəsmi-işgüzar
C) publisistik
D) məişət
E) elmi
Omonimlərin cərgəsini göstərin:
A) insan, adam, şəxs
B) şam, bal, kök
C) həyat, bəşər, tale
D) baş, göz, əl
E) sakit, yavaş, həzin
Aşağıdakı cümlələrdən hansında "ki" ədat kimi işlənmişdir? (Vergül işarəsi burxılmışdır)
A) O bildirdi ki anası narahadır.
B) Kitab mənimkidir.
C) Elə o saat tapşırdım ki geri qayıtsın.
D) Sən oxuyursan ki yaxşı biləsən.
E) O ki belə demirdi.
Xəbər mübtəda ilə uzlaşmırsa, ədəbi dilin hansı norması pozulmuş sayılır?
A) qrammatik
B) orfoqrafik
C) orfoepik
D) həm leksik, həm qrammatik
E) leksik
Nümunədəki fellər hansı zamandadır?
"Ağladırsan,güldürürsən,
Çeşmim yaşın sildirirsən,
Cəllad kimi öldürürsən,
O göz, o qaş ilə məni".
A) indiki zaman
B) qəti gələcək zaman
C) nəqli keçmiş zaman
D) şühudi keçmiş zaman
E) qeyri-qəti gələcək zaman
İsmin yönlük halında olan sözlərin cərgəsini göstərin.
A) göyün, yerin, güzgüdən
B) katibə, əfsanə, mərdanə
C) dəftəri, kitabı, şəhəri
D) dəftərdə, otaqda, küçədə
E) kitaba, dərəyə, insana
Latın qrfikalı Azərbaycan yazısı hansı yazı növünə aiddir?
A) fonoqrfik
B) ideoqrafik
C) piktoqrafik
D) sillabik
E) əşyavi
İsmi xəbərli cüttərkibli müxtəsər cümləni göstərin.
A) Təriflədiyin kitab budur.
B) Mənim qəlbimi incidən onun bu barədə indiyədək susmağıdır.
C) Bu cavan oglan kimdir?
D) Sahil qalın meşəlikdir.
E) Dağlar onun gözəlliyinə heyran qaldı.
"Fəaliyyət" sözünün fonetik təhlilində səhv haradadır?
A) [f] və [t] kar, [l] və [y] cingiltili samitlərdir.
B) [a] qalın, dodaqlanmayan, açıq, uzun; [i] incə, dodaqlanmayan, qapalı; [ə] incə, dodaqlanmayan, açıq saitdir.
C) 9 səs və 9 hərfdən ibarətdir.
D) Dördhecalıdır, vurğu dördüncü hecaya düşür.
E) Sözdə ahəng qanunu pozulmuşdur.
Yoxlamadan sonra nəticə burada göstəriləcək
Top