Əsas səhifə Testlər TQDK inkişaf dinamikası 2002 Azərbaycan dili - II qrup, Variant A

Tapılan ümumi test sayı : 25

beytin müəllifi kimdir?
Tərk edər ləzzəti-dünyanı, keçər canından,
Sikkəni dağ qılar, talibi-dinar olmaz.
A) M.Ş.Vazeh
B) S.Ə.Şirvani
C) Q.Zakir
D) S.Ə.Nəbati
E) X.Natəvan
M.Şəhriyarın "Heydərbabaya salam" əsərində öz əksini tapmışdır:
1. Şairin uşaqlıq xatirələri
2. Doğulduğu yerin gözəl mənzərələri
3. Atom sınağının dəhşətləri
4. Xalqın adət-ənənələri
5. İstedadlı rəssam, şair və alimlərinacınacaqlı taleyi
A) 3, 4, 5
B) 1, 2, 3
C) 2, 3
D) 1, 2, 4
E) 3, 5
Biri müxəmməs janrında deyil:
A) S.Ə.Şirvani. "Guş qıl..."
B) M.P.Vaqif. "Görmədim"
C) Q.Zakir. "Eylər"
D) M.P.Vaqif. "Var"
E) M.Ə.Sabir. "Səttarxana"
Müxtəsər kim, böylə dünyadan gərək etmək həzər,
Ondan ötrü kim deyildir öz yerində xeyrü şər.
Müxəmməs janrında yazılmış bu şerin müəllifini göstərin.
A) M.Füzuli
B) M.V.Vidadi
C) İ.Nəsimi
D) Q.Zakir
E) M.P.Vaqif
Alleqoriya haqqındakı fikirlərdən biri yanlışdır:
A) Alleqoriyada insanlara xas olan xüsusiyyətlər cansızların, bitkilərin, heyvanların timsalında təsvir olunur.
B) Alleqorik əsərlərdə həm romantik, həm də realist ədəbiyyatda rast gəlmək olar.
C) Alleqoriya bədii əksetdirmənin müxtəlif ədəbi növlərədə özünü göstərən bir formasıdır.
D) Təmsil alleqorik janrdır. A.Bakıxanov, Q.Zakir, S.Ə.Şirvani bu janrın klassik nümunələrini yaratmışlar.
E) Alleqoriya ədəbi janrdır.
"Koroğlu" və "Dədə-Qorqud" dastanları üçün ortaq xüsusiyyət hansılar sayıla bilər?
1. Eyni tarixi dövrdə və şəraitdə yaranmaları
2. Hər ikisində ayrı-ayrı qəhrəmanlarla bağlı müxtəlif əhvalatların toplanması
3. Həm Dədə-Qorqud, həm də Koroğlunun iki funksiyani-qəhrəman və aşıq funksiyalarını özündə birləşdirmələri
4. Eyni janrlarda şerlərin verilməsi
5. Eyni ideya və mənəviyyatın əks olunması
6. Aşıq - ozan obrazının verilməsi
A) 2, 4
B) 3, 5, 6
C) 1, 4
D) 2, 5, 6
E) 1, 2, 3
XIX əsrin sonlarında Tiflisdə nəşr edilən qəzetlər:
A) "Azərbaycan", "Hümmət", "Açıq söz"
B) "Tazə həyat", "Həyat", "İrşad"
C) "Tazə həyat", "Kəşkül", "Əkinçi"
D) "Ziya", "Ziyayi - Qafqaziyyə", "Kəşkül"
E) "Kəşkül", "Açıq söz", "Hümmət"
N.Nərimanovun "Nadir şah" faciəsi iə bağlı fikirlərdən biri yanlışdır:
A) Əsərdə dramaturqun dövlət quruluşu haqqındakı ideyaları öz əksini tapmışdır.
B) Əsər Nadirin yalnız şahlıq dövrünü əhatə edir.
C) Ədəbiyyatımızda ilk tarixi faciədir.
D) 1905-ci ilə qədər əsərin tamaşaya qoyulmasına icazə verilməmişdir.
E) Əsərdə hakimiyyət uğrunda gedən saray çəkişmələrinin təsirinə də rast gəlirik.
Bu sənətkarlardan biri Azərbaycan mühacirət ədəbiyyatının nümayəndəsi deyil?
A) Ə.Hüseynzadə
B) S.Mənsur
C) M.Rəsulzadə
D) C.Hacıbəyli
E) A.İldırım
Yalnız fars dilində yazan şairlərin cərgəsini göstərin.
A) Fələki Şirvani, Əbül-Üla Gəncəvi, İmadəddin Nəsimi
B) Əfzələddin Xaqani, İzəddin Həsənoğlu, Qazi Bürhanəddin
C) Məhsəti Gəncəvi, Məhəmməd Füzuli, İmadəddin Nəsimi
D) Əfzələddin Xaqani, Nizami Gəncəvi, Məhəmməd Füzuli
E) Qətran Təbrizi, Məhsəti Gəncəvi, Nizami Gəncəvi
Hansı birləşmənin birinci tərəfində iltisaqilik prinsipi pozulmuşdur?
A) şərti işarə
B) tibbi yardım
C) dini anlayışlar
D) məntiqi fikir
E) fikri yazı
-dıq4 şəkilçisi mənsubiyyət şəkilçisi ilə işlənərək aşağıdakılardan hansını əmələ gətirir?
A) feli bağlamanı
B) nəqli keçmiş zamanı
C) sifəti
D) keçmiş zamanın rəvayətini
E) feli sifəti
Hansı cümlə intonasiya əsasında yaranmış xəbər budaq cümləli tabeli mürəkkəb cümlədir?
A) Adam var başına səpəsən güllər,
Adam var gözünə çəkəsən millər.
B) Yaxşısı budur, görüləsi işlərimizi müəyyənləşdirək.
C) Soruşan kimdir, buyursun.
D) Nə qədər bacarırsan, qabağa get.
E) Nə qədər Cahandar ağa sağdır, o, kənddə əl-qol aça bilməyəcəkdir.
"Təyyarə görəndə biz uşaq kimi sevinərdik"   cümləsindəki isimlərin təhlili ilə bağlı səhv hansıdır?
A) Hər ikisi ümumi isimdir.
B) Hər ikisi adlıq haldadır.
C) Hər ikisi quruluşca sadə isimdir.
D) Birinci isim fellə bağlıdır.
E) Hər ikisi konkret isimdir.
Başqa dillərdən Azərbaycan dilinə hansı şəkilçilər keçmir?
A) isimdən sifət düzəldən şəkilçilər
B) leksik şəkilçilər
C) ön şəkilçilər
D) qrammatik şəkilçilər
E) isimdən isim düzəldən şəkilçilər
"Üzvlük" sözünün fonetik təhlilinəki səhvləri göstərin:
1. Səslərin sayı hərflərin sayından artıqdır.
2. Sözdə iki incə, qapalı, dodaqlanan sait var.
3. Bir kar, üç cingitili samit işlənmişdir.
4. Vurğu birinci hecaya düşür.
5. Sözdə incə saitlərin ahəngi gözlənilir.
A) 1, 2
B) 1, 4, 5
C) 1, 3, 4
D) 3, 5
E) 2, 4
Hansı birləşmənin birinci tərəfi sifət deyil?
A) möhkəm divar
B) sınıq körpü
C) ağıllı məsləhət
D) gümüş qaşıq
E) zoğalı rəng
"Başqa, özgə, qeyri" qoşmaları ilə cümlənin hansı üzvü xüsusiləşir?
A) tamamlıq
B) təyin
C) mübtəda
D) xəbər
E) zərflik
Hansı söz yalnız qoşma kimi işlənir?
A) ilə
B) əlavə
C) ötrü
D) kimi
E) qeyri
Cümlədə söz sırasına əməl olunmamışdırsa, ədəbi dilin hansı norması pozulmuş sayılır?
A) həm leksik, həm qrammatik
B) qrammatik
C) orfoqrafik
D) orfoepik
E) leksik
Yoxlamadan sonra nəticə burada göstəriləcək
Top