Əsas səhifə Testlər TQDK inkişaf dinamikası 2002 Azərbaycan dili - III qrup, Variant A

Tapılan ümumi test sayı : 25

Qarşılaşdırma budaq cümləli tabeli mürəkkəb cümlə hansıdır?
A) Məktubu göndərməyimdən bir aydan artıq keçsə də, heç bir cavab yox idi.
B) Nə qədər ki bir-birimizlə didişirik, uğursuzluqlar bizdən əl çəkməyəcək.
C) Nə qədər mümkündür, o qədər də gözləyirik.
D) Məktubu göndərmədiyimdən bir aydan artıq keçib, amma hələ də cavab yoxdur.
E) Gedilən yolun bütün məhrumiyyətlərinə baxmayaraq, azadlıq nə qədər də şirindir?!.
H.Cavidin "İblis" əsərində xaraktercə dəyişmədə verilən surət:
A) Rəna
B) Arif
C) Vasif
D) Xavər
E) İbn Yəmin
N.Vəzirovun "Müsibəti-Fəxrəddin" faciəsi ilə bağlı düzgün fikirləri seçin.
1. Fəxrəddin bəy Səadət xanımı Almaniyaya aparmamaqda səhv etdiyini bildirir.
2. Əsərdə Fəxrəddin bəyi Məhərrəm öldürür.
3. Hürü nənə Fəxrəddin bəy və Gülbaharın qayğısını çəkmişdir.
4. Rüstəm bəyin planlarını Fəxrəddin bəyə Gülbahar xəbər verir.
5. Rüstəm bəy Səadətin ləyaqətini yüksək qiymətləndirir və Cahangir bəyi ona layiq bilmir.
A) 1, 3, 5
B) 1, 2, 5
C) 2, 4, 5
D) 2, 3
E) 1, 4
Xudayar bəy ("Danabaş kəndinin əhvalatları") hansı "məziyyətinə" görə kətda təyin olunmuşdur?
A) Kənddə hamıdan varlı və nüfuzlu idi.
B) Dili-ağızlı olduğundan naçalnik həmin vəzifəyə onu məsləhət görmüşdü.
C) Onun zoğal ağacından qorxmuşdular.
D) Qlava Kərbəlayı İsmayılın "qohumu" idi.
E) Yaxşı təsərrüfaçı və iri torpaq sahibi idi.
Aşağıdakı fikirlərdən biri Ş.İ.Xətainin "Dəhnamə" əsərinə aid deyil:
A) Əsərdə insanın pəriyə vurulması və onun öz eşqi uğrunda bütün çətinliklərə mətanətlə sinə gərməsi təsvir olunur.
B) Əsər janrına görə məsnəvi olsa da, burada yeri gəldikcə qəzəllərdən də istifadə olunur.
C) Əsər heca vəznində yazılmışdır.
D) Müəllif nikbin sonluqlu bir sevgini əsas motiv kimi götürmüşdür.
E) Buradakı 10 məktubun hər biri Aşiqin ülvi duyğularının ifadəsidir.
Aparın, aparın onu zindana,
Göz dağı çəkdirin Azərbaycana.
Mətndə hansı bədii ifadə və təsvir vasitəsi işlənmişdir?
A) metafora, metonimiya
B) anafora, metonimiya
C) təkrir, təşbeh
D) anafora, epitet
E) epitet, kinayə
Adım..., mərdi-mərdana,
On iki şəyirdim işlər hər yana.
Nöqtələrin yerinə hansı aşığın adı yazılmalıdır?
A) Qurbani
B) Aşıq Ələsgər
C) Xəstə Qasım
D) Aşıq Abbas Tufarqanlı
E) Sarı Aşıq
M.Füzuli "Bəngü Badə" əsərində şərab və tiryəkin timsalında kimləri qarşılaşdırır?
A) padşahla şairi
B) oğulla tanı
C) lovğa hökmdarları
D) padşahla çobanı
E) iki alimi
Q.Zakirin "Eylər" şeri ilə bağlı fikirlərdən biri səhvdir:
A) Lirik qəhrəmanın kədərinin əsas səbəbi mövcud həyatda, ictimai mühitdə olan haqsızlıqlardır.
B) Lirik qəhrəman  gördüyü haqsızlıqların hamısını öz şəxsi taleyində yaşayan ayıq düşüncəli bir şəxsdir.
C) Janrına görə müxəmməsdir və ictimai məzmun daşıyır.
D) Şer zavallı aşiqin əzablarına məhəl qoymayan bir gözələ müraciət formasında yazılmışdır.
E) Əruz vəzninin həzəc bəhrindəndir.
S.Vurğunun "Vaqif" dramında Vaqiflə İbrahim xan arasındakı ziddiyyət ilk dəfə hansı səhnədə üzə çıxır?
A) Eldarın həbsdən qaçıb dağlara dəstə düzəltməsi
B) Eldarın toya gəlməsi
C) Vaqifin Vidadinin evinə getməsi
D) Vaqifin Eldara məktub göndərməsi
E) Qacarın Qarabağa hücüm edib Şuşa qalasını tutması
Hansı əsər təhkiyə əsasında yazılmışdır?
A) "Ürəfa marşı"
B) "Qan içində"
C) "Mürafiə vəkillərinin hekayəti"
D) "Dilbəra, mən səndən ayrı..."
E) "Şeyx Sənan"
Hansı nümunələrdə mübtəda vəzifəsində işlənən o, bu əvəzliklərindən sonra vergül səhv qoyulmuşdur?
1. O, həmişə səliqəli geyinir.
2. Bu, yaddaqalan hadisədir.
3. Bu, yazıçının təzə kitabıdır.
4. O, suvaqçıdır.
5. O, gülürdü.
6. Bu, ancaq mənə inanır.
A) 5, 6
B) 3, 4, 5
C) 1, 2, 6
D) 1, 3, 4
E) 4, 5
Hansı cümlələrdəki qoşmalar əsa nitq hissələri ilə omonimdir?
1. Bahardan başqa, heç kimə ürək qızdıra bilmirəm.
2. İnsan xeyirxahlığı ilə yadda qalır.
3. Üç aydan sonra qayıdacağam.
4. Mən tək sevən hanı səni dünyada?!
5. Vətəndən ötrü canımızdan keçməyə hazır olmalıyıq.
6. Qapıyacam gedib, qayıtdıq.
A) 2, 5, 6
B) 2, 4
C) 3, 5
D) 1, 2, 4
E) 1, 3, 4
"Mənim bacım məktəblidir" cümləsində xəbər nə ilə ifadə olunmuşdur?
A) fellə
B) isimlə
C) əvəzliklə
D) zərflə
E) sifətlə
"Məlumat" sözünün leksik təhlilindəki səhvi göstərin.
A) Antonimi yoxdur.
B) Ərəb mənşəli alınma sözdür.
C) Leksik və qrammatik mənası vardır.
D) Sinonimləri "əhvalat", "sərgüzəşt" sözləridir.
E) Ümumişlək sözdür.
Hansı cümlələrdə həm mənsubiyyət, həm də hal şəkilçisi vardır?
I. Nuriyyənin bacısı oxumağı çox sevir.
II. Vətənimi sevirəm.
III. Vətəni sevməyən insan olmaz.
A) III
B) I və III
C) I və II
D) II
E) I
Verilmiş fellərdən birində -dır4  icbar növ şəkilçisi deyil:
A) qazdırmaq
B) sildirmək
C) yazdırmaq
D) söndürmək
E) oxutdurmaq
Təktərkibli cümləni göstərin.
A) Şəhərin qonaqları televiziya ilə çıxış etdilər.
B) Gənc şairin yaradıcılıq gecəsi keçirildi.
C) Komandalar qələbəyə can atırlar.
D) Dağıdılmış obalar bərpa edilir.
E) İşləməyənə tənbəl deyərlər.
Nümunədə fonetik obrazlılığın hansı təzahür formasına rast gəlirik?
Quşlar uçur yuvasına fırıl-fırıl,
Şırıldayır navalçalar şırıl-şırıl.
                             (M.Müşfiq)
A) inversiya
B) ellipsis
C) metafora
D) alliterasiya
E) epitet
"Nə bilirsə, danışsın"  nümunəsində budaq cümlənin növü:
A) xəbər budaq cümləsi
B) mübtəda budaq cümləsi
C) tamamlıq budaq cümləsi
D) şərt budaq cümləsi
E) məqsəd budaq cümləsi
Yoxlamadan sonra nəticə burada göstəriləcək
Top