Əsas səhifə Testlər TQDK inkişaf dinamikası 1996 Azərbaycan dili - VII qrup, Variant B

Tapılan ümumi test sayı : 55

Yazıçının qələmə aldığı həyat hadisəsi haqqında gəldiyi qənaət, çıxardığı nəticə, oxucuya çatdırmaq istədiyi başlıca fikir necə adlanır?
A) ideya
B) mövzu
C) ekspozisiya
D) kompozisiya
E) zavyazka
Bədii əsərin sonunda verilən və onun yekunu olan kiçik hissə necə adlanır?
A) peyzaj
B) epiqraf
C) epiloq
D) proloq
E) portret
S.Vurğunun aşağıdakı əsərlərindən biri müharibə mövzusunda deyil:
A) "Zəncinin arzuları"
B) "Ananın öyüdü"
C) "Mənə belə söylədilər..."
D) "Şəfqət bacısı"
E) "Qızıl şahinlər"
Hekayələrinin, demək olar ki, hamısını qadın azadlığı mövzusuna həsr etmiş yazıçı:
A) C.Cabbarlı
B) M.İbrahimov
C) İ.Əfəndiyev
D) M.Hüseyin
E) C.Məmmədquluzadə
Nizami bu fikri hansı obraz haqqında deyir?
İndi o ədalət, o insaf hanı?!
Verə öz oğluna belə cəzanı.
İndi yüz yoxsulun tökülsə qanı,
Nahaq qan tökənə bir cəza hanı?
A) Hörmüz
B) Bəhram
C) Xosrov
D) İsgəndər
E) Məhinbanu
M.Füzulinin hansı əsərində XVI əsrin feodal-patriarxal münasibətləri, insan təbiətinə, azad məhəbbətə zidd olan adət-ənənələr, qadın hüquqsuzluğu tənqid olunur?
A) "Padişahi-mülk"
B) "Şikayətnamə"
C) "Söz"
D) "Məni candan usandırdı"
E) "Leyli və Məcnun"
N.Vəzirovun "Müsibəti Fəxrəddin" faciəsində Rüstəm bəy hansı səhnədə özünü "biiman" adlandırır, ettiyi hərəkətlərin acı nəticəsindən sarsılır və özünə ölüm arzulayır?
A) Fəxrəddin bəyin təhsildən qayıtmasını eşitdiyi səhnədə
B) Oğlu Mahmudla söhbət səhnəsində
C) Mahmudun ölümü səhnəsində
D) Fəxrəddinin ölümü səhnəsində
E) Qızı Səadət xanımla söhbət səhnəsində
".... İndiki halında ... bənzəyirdi bir elə şəxsə, hansı ki zəhər şüşəsini qabağına qoyub baxır və bilmir nə eləsin: içsin, ya yox. İçməsə, dərd, qəm və qüssə onu öldürəcək, içsə, zəhər öldürəcək. Bəs məsləhət budur ki, içim deyib şüşəni şəkir başına".
Bu parça C.Məmmədquluzadənin hansı obrazının həyatından bir məqamı əks etdirir?
A) Şərəf
B) Zəhrabəyim
C) Gülbahar
D) Zeynəb
E) İzzət
M.F.Axundovun "Hekayəti-müsyö Jordan həkimi - nəbatat və dərviş Məstəli şah caduküni - məşhur" əsərinin qəhrəmanı şahbaz bəy haqqındakı fikirlərdən biri yanlışdır:
A) Kənddə xəstəxana, məktəb açamaq, xalqı maarifləndirmək üçün mübarizə aparır.
B) XIX əsr Azərbaycan ədəbiyyatında mütərəqqi ideyaların ifadəçisi olan gənc ziyalıların nümayəndəsidir.
C) Avamlar mühitində bir qığılcım kimi parlayan obrazdır.
D) Təhsini artırmağa çalışan, böyük arzularla yaşayan gəncdir.
E) Parisə getmək, fransız dilini öyrənmək arzusundadır.
Şifahi xalq ədəbiyyatının janrlarını seçin:
1. Müxəmməs                          2. Bayatı                                    3. Qəzəl
4. Layla                                    5. Mərsiyə                                  6. Ağı
7. Rübai
A) 2, 4, 6
B) 1, 3, 7
C) 1, 2, 6
D) 3, 5, 6
E) 4, 6, 7
Şəxssiz cümləni göstərin:
A) El bilir ki, sən mənimsən.
B) Bahar fəslini hamı sevir.
C) Çox oxuyan çox bilər.
D) Səlimin məsələsinə baxıldı.
E) Poçtalyon bir söz demədi.
"Mən bilirəm ki, çəkilən əmək itmir" - cümləsi tabeli mürəkkəb cümlənin hansı növünə aiddir?
A) səbəb budaq cümləsi
B) xəbər budaq cümləsi
C) mübtəda budaq cümləsi
D) tamamlıq budaq cümləsi
E) təyin budaq cümləsi
İsmi xəbərli cüttərkibli müxtəsər cümləni göstərin:
A) Biz kənddə yaşayırıq.
B) Mənim bacım həkimdir.
C) Hamı susmuşdu.
D) Həyat bizi sınayır.
E) Zərifə qabaqcıl şagirddir.
"Demək, sənin qərarın qətidir" - cümləsində işlənən ara sözün mənaca növünü tapın:
A) burada ara söz yoxdur.
B) yəqinlik
C) güman və şübhə
D) nəticə və fikrin sırası
E) məlumatın mənbəyi
"Yuxarı" sözü cümlələrdən birində təyin kimi işlənmişdir:
A) Onların evi bizdən yuxarıdadır.
B) O, Cəmildən cavab almamış, pilləkənlə yuxarı qalxdı.
C) Alpinist yuxarı qalxırdı.
D) Yuxarı-bu yüksəklik möhtəşəm qalaya bənzəyirdi.
E) Kişi həmin araba ilə yuxarı kəndə su daşıyırmış.
Hansı cümlədə "O" əvəzliyindən sonra vergül qoyulmamalıdır?
A) O gözəl sənətkar kimi ümumxalq şöhrəti qazanıb.
B) Bu gün o da şəhərə yola düşür.
C) O yaxşı ad qazanıb.
D) O mahir ovçudur.
E) O uşaq bağçasında işləyir.
Yaxın mənalı sözlərin birləşməsi ilə yaranan  mürəkkəb ismi göstərin:
A) üzüyumşaq
B) uzunsaç
C) dost-tanış
D) yavaş-yavaş
E) acıdil
Hansı fel şərt şəklinin hekayəsində işlənib?
A) gəlsə imiş
B) gəlməli idisə
C) gələsi idi
D) gəlməli imiş
E) gəlsə idi
Qüvvətləndirici ədatların cərgəsini tapın:
A) ən, daha, lap
B) -mı4, bəs, yəni
C) ki, təkcə, axı
D) yalnız, ancaq, bəs
E) gəl, məgər, axı
Verilmiş cümlələrdən hansında zərf yoxdur?
A) Qız cəld mətbəxə girdi.
B) Hava birdən tutuldu.
C) İstidən nəfəs almaq olmurdu.
D) Şəhərdə havalar istidir.
E) Yayda kəndə gələrsən.
Yoxlamadan sonra nəticə burada göstəriləcək
Top