Əsas səhifə Testlər TQDK inkişaf dinamikası 1996 Azərbaycan dili - VIII qrup, Variant B

Tapılan ümumi test sayı : 28

"Nəsrəddin şah", "Dönüş", "Solğun çiçəklər" pyeslərinin müəllifi kimdir?
A) S.S.Axundov
B) İ.Əfəndiyev
C) M.İbrahimov
D) Ə.Haqverdiyev
E) C.Cabbarlı
Aşağıdakı misralar "Aygün" poemasındakı hansı obrazı səciyyələndirir?
O dedi ki: Mən nə dahi, nə qəhrəmanam,
Qoy  bəşərin dərdlərini onlar düşünsün.
Məni adi bir insancıq doğmuşdur anam
Ki, dünyada dövran sürüb, kef çəkim beş gün.
A) Əmirxanı
B) Neməti
C) Aygünü
D) Elyarı
E) Şəfiqəni
Göstərilən xüsusiyyətlərdən yalnız biri "Danabaş kəndinin əhvalatları" əsərindəki Xudayar bəy surətini səciyyələndirir:
A) Məzlumların, yoxsulların qayğısına qalır.
B) Dostluqda sədaqətlidir, xəyanətdən uzaq adamdır.
C) Xain, ikiüzlü, qəddar adamdır, kimsəsizlərin, gücsüzlərin qənimidir.
D) Fanatikdir, mövhumatçıdır, harama meyl etmir.
E) Ailəcanlıdır, övladlarını sevir.
A.Bakıxanovun "Təbriz əhlinə xitab" satirasında tənqid hədəfi kimlərdir?
A) xalqın cəhalətinə səbəb olan xanlar və ruhanilər
B) xalqı cəhalətdə saxlayan hakimlər
C) xalqı soyan, talayan mülkədarlar
D) savadsız müəllimlər, din xadimləri
E) yalançı kimyagər və münəccimlər
M.F.Axundovun ilk dram əsəri:
A) "Hekayəti-Molla İbrahimxəlil kimyagər"
B) "Mürafiə vəkillərinin hekayəti"
C) "Sərgüzəşti-mərdi-xəsis"
D) "Hekayəti-xırs quldurbasan"
E) "Müsyö Jordon və dərviş Məstəli şah"
Cümlələrdən birində ara söz işlədilmişdir:
A) Bir onun səliqəsini görəsən!
B) Bu işləri vaxtında görərsən.
C) Elə görərdin ki, hey oxuyur, kitabdan ayrılmır.
D) Görəsən, Eldarın işi düzəldimi?
E) Çox istedadlı uşaqdır, onun gələcəyini görərsən.
Hansı cümlədə əlavə vardır?
A) Nizaminin əsərləri dünya ədəbiyyatı xəzinəsinin nadir incilərindəndir.
B) Ağac bar gətirəndə başını aşağı dikər.
C) R.Rza - ədəbi gəncliyin bu xeyirxah hamisi hamının sevimlisi idi.
D) Ağac barı, insan yaxşılığı ilə qiymətlidir.
E) Qazanc dövlət artırar, insaf şöhrət.
Nümunələrdən ikisi tabeli mürəkkəb cümlədir:
1. Sarvanın məqsədi bu idi ki, yarışda qalib gəlsin.
2. Gün çıxdı, ağacın şehli yarpaqları parıldadı.
3. Burada mənim dişim-dişimə dəyir, amma Bakıda bürküdən nəfəs almaq olmur.
4. Mən bir sönməz ulduzam ki, daim işıq saçıram.
5. Fasilə başladı və Ədilə ayağa qalxıb zaldan çıxdı.
A) 2, 4
B) 3, 5
C) 4, 5
D) 1, 4
E) 1, 2
Cüttərkibli müxtəsər cümlə hansıdır?
A) Cavid mənalı-mənalı gülümsünürdü.
B) Bu, Müşkinazın xatirələrindəndir.
C) Gedənin dalınca danışmazlar.
D) Yıxılana gülməzlər.
E) Yüz dəfə ölç, bir dəfə biç.
Epik növə daxil olmayan ədəbi janr bunlardan hansıdır?
A) qitə
B) hekayə
C) təmsil
D) nağıl
E) povest
Dövr üçün səciyyəvi olan, yazıçı tərəfindən dərk edilən və bədii əsərə gətirilən həyat hadisələri necə adlanır?
A) ekspozisiya
B) kompozisiya
C) mövzu
D) ideya
E) zavyazka
Məsəllər haqqında fikirlərdən hansı yanlışdır?
A) Məsəllər yığcamlığı, sadəliyi, məna dərinliyi etibarilə atalar sözlərinə çox yaxındır.
B) Məsəllər atalar sözlərindən bir sıra xüsusiyyətlərinə görə fərqlənir.
C) Məsəllər müəyyən rəvayətlə, hadisə ilə əlaqədar yaranır.
D) Atalar sözündən fərqli əsas cəhəti məsəllərdəki fikrin müstəqil işlənə bilməsidir.
E) Məsəllər xalq müdrikliyini ifadə edir, böyük tərbiyəvi əhəmiyyətə malikdir.
Nizaminin hansı qəhrəmanının adı bütün Yaxın Şərq xalqları içərisində qüdrətli sənətkar, mərdlik, həqiqi aşiq rəmzinə çevrilmişdir?
A) Bəhram şah
B) Xosrov
C) Şapur
D) Fərhad
E) İsgəndər
Göstərilən əsərlərdən hansının müəllifi M.V.Vidadidir?
A) "Görmədim"
B) "Dəhnamə"
C) "Bax"
D) "Müsibətnamə"
E) "Şikayətnamə"
Cümlələrdən birində xəbər sifətlə ifadə olunmuşdur:
A) Eldar hansınızdır?
B) Qılınc döyüşündə məharətin var!
C) Bu dağlar mülkünün çələngi sənsən!
D) Bu dağların sərin havası gözəldir.
E) O, xalqın qəlbində yaşayan sənətkardır.
Şəkilçilərdən biri qeyri qəti gələcək zamanın şəkilçisidir:
A) -lar2
B) -ır4
C) -ıl4
D) -ar2
E) -acaq2
Miqdar zərfi olan cümləni göstərin:
A) Az danışsan yaxşı olar.
B) Onlar bazardan xeyli meyvə aldılar.
C) Tək əldən səs çıxmaz.
D) Sevil bu barədə düşündü.
E) Gecə şiddətli külək əsdi.
Təsirli fellərdən ibarət cərgəni göstərin:
A) görüşmək, görünmək, sevinmək
B) yaşamaq, yatmaq, oynamaq
C) oturmaq, durmaq, gəlmək
D) yatmaq, gülmək, getmək
E) yazmaq, geymək, güldürmək
Cümlələrin hansında ədat vardır?
A) Tez gəl, gecikirik.
B) Qoy sözünü desin.
C) Sən də, Sevda da növbətçisiniz.
D) Arif, kitabı yerinə qoy!
E) Sevil təkcə gəldi.
Sifətdən düzəlmiş isimlər hansı cərgədədir?
A) dərzilik, ustalıq, mühəndislik
B) şadlıq, təmizlik, zəiflik
C) dostluq, tanışlıq, qardaşlıq
D) yüzlük, onluq, çoxluq
E) birlik, gündəlik, həkimlik
Yoxlamadan sonra nəticə burada göstəriləcək
Top