Əsas səhifə Testlər TQDK inkişaf dinamikası 1997 Azərbaycan dili - III qrup, Variant A

Tapılan ümumi test sayı : 27

"Kitabi-Dədə Qorqud" dastanlarında "Salur Qazanın evinin yağmalanması" boyu necə başlanır?
A) Ov səhnəsinin təsviri ilə
B) Dəli domrulun öyünməsi ilə
C) Salur Qazanın yuxu görməsi ilə
D) Şöklü Məliyin hücumu ilə
E) Salur qazanın bəylərlə məclis qurmasının təsviri ilə
Bu şer parçası R.Rzanın hansı poemasından götürülmüşdür və burada hansı sənətkardan söhbət gedir?
Dostları çox idi,
bütün yaxşı insanlar kimi.
Ürəyi sadəydi, zəngin idi.
Bahar kimi.
... Şairlərdən biri,
vətəndaşlardan biri,
ən yaxşı adamlarından biri idi.
A) "Qızılgül olmayaydı..." - Müşfiq
B) "Son gecə" - Nəsimi
C) "Xalq şairi" - Sabir
D) "Xalq həkimi" - N.Nərimanov
E) "Füzuli" - Füzuli
M.F.Axundzadənin hansı qəhrəmanını yeni həyat və adətlər barədə düşünən, qabaqcıl Qərb mədəniyyəti ilə maraqlanan gənc kimi səciyyələndirmək olar?
A) Şahbaz bəy
B) Yusif Sərrac
C) Teymur ağa
D) Səkinə xanım
E) Hacı Nuru
Nizaminin "Divani" ilə bağlı fikirlərdən hansı səhvdir?
A) Şairin yazdığına görə, o, öz "Divan"ını Şirvan şahı Axsitana bağışlamışdır.
B) "Divan"ın iyirmi min beytdən ibarət olduğu təxmin edilir.
C) Bu "Divan" türkcə yazılmışdır.
D) "Divan"da ictimai, fəlsəfi, əxlaqi, aşiqanə mövzuda şerlər olduğu göstərilir.
E) "Divan"dan ancaq ayrı-ayrı qaynaqlara köçürülmüş nümunələr qalıb.
M.Hadinin "İnsanların tarixi faciələri" poeması haqqındakı fikirlərdən biri yanlışdır:
A) Poemanın sonunda şair gələcəyə böyük ümid bəslədiyini bildirir.
B) Bəşərin təbiətində olan şərin tənqidi əsas yer tutur.
C) Əsasən, lirik planda yazılmışdır.
D) Şair poemanı cəbhədə yazmağa başlamış və 1918-1919-cu illərdə Bakıda tamamlamışdır.
E) Müharibə əleyhinə yazılmışdır.
Aşağıdakı əsərlərdən birinin müəllifi məlum deyil:
A) "Rindü Zahid"
B) "Nəsihətnamə"
C) "Dastani-Əhməd Hərami"
D) "Vərqa və Gülşa"
E) "Mehr və Müştəri"
Aşıq Ələsgərin bu bənd ilə başlanan şerinin janrını müəyyənləşdirin: 
"Nagah badi-sərsər əsdi üstümə,
Ömür bostanımın tağı kəsildi.
Öz əlimlə xəta dəydi özümə,
Bədəndən qolumun sağı kəsildi.
A) Qoşma
B)
Təcnis
C) Gəraylı
D) Bayatı
E) Müxəmməs
Aşağıdakılardan biri mühacirət ədəbiyyatının nümayəndəsidir:
A) Mikayıl Müşfiq
B) Seyid Hüseyn
C) Hüseyn Cavid
D) Məmməd Əmin Rəsulzadə
E) Əhməd Cavad
Bədii təzad nəyə deyilir?
A) Hadisə, əşya, hiss və həyəcanın şişirdilməsinə
B) Eyni sözün, yaxud söz qrupunun təkrarına
C) Hadisə və əşyanın həddindən artıq kiçildilməsinə
D) Nitqdə sözlərin qrammatik ardıcıllığının qəsdən pozulmasına
E) Məzmunca bir birinə zidd iki anlayış və ya vəziyyətin qarşılaşdırılmasına
"Ağır" və "iti" hansı sırada həqiqi mənada işlənmişdir?
A) ağır daş, iti ülgüc
B) ağır gün, iti söz
C) ağır söz, iti göz
D) ağır xasiyyət, iti baxış
E) ağır cəza, iti yaddaş
"İlə" cümlələrin hansında bağlayıcı kimi işlənmişdir?
A) İmran kişi indiki vəziyyəti keçən ilki vaxt ilə ürəyində tutuşdurdu.
B) Vüsal öz məktəb yoldaşları ilə çox mehriban dolanır.
C) Röstəm kişi otaqdan çıxan kimi Pərşan bir uşaq sevinci ilə Mayanın boynunu qucaqladı.
D) Onlar öz əlləri ilə əkdikləri bu ağaclara qulluq etməyi sevirlər.
E) Adilin getməyi ilə qayıtmağı bir oldu.
Sözlərdən neçəsində vurğu birinci hecaya düşür?
Şölə, oçerk, dünya, çünkü, səhər, lirika
A) 3
B) 2
C) 1
D) 4
E) 5
Alınma sözlərin cərgəsini tapın:
A) maşın, beş, çırpı
B) çörək, su, səkkiz
C) razı, mətbəə, inqilab
D) sakit, qardaş, yazmaq
E) dəftər, çanta, dil
Hansı sözlərin yazılışı səhvdir?
1. Layihə        2. Səyahət       3. Bəyanat     4. Həyacan
5. Məcara       6. Qəraman     7. Füruzə
A) 3, 5, 6, 7
B) 4, 5, 6, 7
C) 1, 4, 6, 7
D) 1, 2, 4, 5
E) 1, 3, 6, 7
Sual cümlələrinin biri sual ədatının köməyi ilə yaranıb:
A) Heç ürəkdən şad olmayan gülərmi?!
B) Sənə kimi nişan verdilər?
C) Nədəndir sözümə cavab verməmək?!
D) Azərbaycan Respublikası neçənci ildə müstəqillik əldə etmişdir?
E) Sən bu məsələyə necə baxırsan?
Söz birləşmələrinin birində isim tabe tərəf kimi işlənib:
A) həyati mənafe
B) bugünkü iş
C) taxta qapı
D) şəhərdəki tanışlarım
E) buludlu hava
Cümlələrdən birinin xəbəri frazeoloji birləşmə ilə ifadə olunmuşdur:
A) Biz qəhrəman əsgərlə cəbhə xəttində tanış olduq.
B) Qocalar da burada cavanlaşırlar.
C) O, özünə təzə çəkmə almışdı.
D) Mürsəl birinci gündən rəqibinin gözünün odunu almışdı.
E) Cıdır düzü buradan açıq-aydın görünürdü.
Ayrı-ayrı elm sahələri üçün səciyyəvi sözləri əhatə edən lüğət növü:
A) frazeoloji lüğət
B) orfoepiya lüğəti
C) terminoloji lüğət
D) omonimlər lüğəti
E) orfoqrafiya lüğəti
Bir cür yazılan şəkilçilərin cərgəsini göstərin:
A) -keş, -gər, -gil, -daş
B) -lar, -ma, -kı, -dakı
C) -ın, -dan, -a, -da
D) -çı, -lıq, -maq, -ası
E) -ıl, -ıb, -anda, -araq
"Ay həzərat, bir zamana gəlibdir,
Ala qarğa şux tərlanı bəyənməz"    nümunəsi tabeli mürəkkəb cümlənin hansı növündədir?
A) tamamlıq budaq cümləsi
B) xəbər budaq cümləsi
C) təyin budaq cümləsi
D) zaman budaq cümləsi
E) mübtəda budaq cümləsi
Yoxlamadan sonra nəticə burada göstəriləcək
Top