Əsas səhifə Testlər TQDK inkişaf dinamikası 1997 Azərbaycan dili - III qrup, Variant A

Tapılan ümumi test sayı : 27

"Kitabi-Dədə Qorqud" dastanlarında "Salur Qazanın evinin yağmalanması" boyu necə başlanır?
A) Dəli domrulun öyünməsi ilə
B) Salur qazanın bəylərlə məclis qurmasının təsviri ilə
C) Şöklü Məliyin hücumu ilə
D) Ov səhnəsinin təsviri ilə
E) Salur Qazanın yuxu görməsi ilə
Bu şer parçası R.Rzanın hansı poemasından götürülmüşdür və burada hansı sənətkardan söhbət gedir?
Dostları çox idi,
bütün yaxşı insanlar kimi.
Ürəyi sadəydi, zəngin idi.
Bahar kimi.
... Şairlərdən biri,
vətəndaşlardan biri,
ən yaxşı adamlarından biri idi.
A) "Xalq həkimi" - N.Nərimanov
B) "Son gecə" - Nəsimi
C) "Xalq şairi" - Sabir
D) "Qızılgül olmayaydı..." - Müşfiq
E) "Füzuli" - Füzuli
M.F.Axundzadənin hansı qəhrəmanını yeni həyat və adətlər barədə düşünən, qabaqcıl Qərb mədəniyyəti ilə maraqlanan gənc kimi səciyyələndirmək olar?
A) Teymur ağa
B) Şahbaz bəy
C) Səkinə xanım
D) Hacı Nuru
E) Yusif Sərrac
Nizaminin "Divani" ilə bağlı fikirlərdən hansı səhvdir?
A) "Divan"da ictimai, fəlsəfi, əxlaqi, aşiqanə mövzuda şerlər olduğu göstərilir.
B) "Divan"ın iyirmi min beytdən ibarət olduğu təxmin edilir.
C) Şairin yazdığına görə, o, öz "Divan"ını Şirvan şahı Axsitana bağışlamışdır.
D) "Divan"dan ancaq ayrı-ayrı qaynaqlara köçürülmüş nümunələr qalıb.
E) Bu "Divan" türkcə yazılmışdır.
M.Hadinin "İnsanların tarixi faciələri" poeması haqqındakı fikirlərdən biri yanlışdır:
A) Bəşərin təbiətində olan şərin tənqidi əsas yer tutur.
B) Əsasən, lirik planda yazılmışdır.
C) Müharibə əleyhinə yazılmışdır.
D) Poemanın sonunda şair gələcəyə böyük ümid bəslədiyini bildirir.
E) Şair poemanı cəbhədə yazmağa başlamış və 1918-1919-cu illərdə Bakıda tamamlamışdır.
Aşağıdakı əsərlərdən birinin müəllifi məlum deyil:
A) "Vərqa və Gülşa"
B) "Rindü Zahid"
C) "Dastani-Əhməd Hərami"
D) "Nəsihətnamə"
E) "Mehr və Müştəri"
Aşıq Ələsgərin bu bənd ilə başlanan şerinin janrını müəyyənləşdirin: 
"Nagah badi-sərsər əsdi üstümə,
Ömür bostanımın tağı kəsildi.
Öz əlimlə xəta dəydi özümə,
Bədəndən qolumun sağı kəsildi.
A) Bayatı
B) Qoşma
C)
Təcnis
D) Müxəmməs
E) Gəraylı
Aşağıdakılardan biri mühacirət ədəbiyyatının nümayəndəsidir:
A) Məmməd Əmin Rəsulzadə
B) Əhməd Cavad
C) Hüseyn Cavid
D) Seyid Hüseyn
E) Mikayıl Müşfiq
Bədii təzad nəyə deyilir?
A) Hadisə, əşya, hiss və həyəcanın şişirdilməsinə
B) Nitqdə sözlərin qrammatik ardıcıllığının qəsdən pozulmasına
C) Eyni sözün, yaxud söz qrupunun təkrarına
D) Məzmunca bir birinə zidd iki anlayış və ya vəziyyətin qarşılaşdırılmasına
E) Hadisə və əşyanın həddindən artıq kiçildilməsinə
"Ağır" və "iti" hansı sırada həqiqi mənada işlənmişdir?
A) ağır söz, iti göz
B) ağır xasiyyət, iti baxış
C) ağır daş, iti ülgüc
D) ağır gün, iti söz
E) ağır cəza, iti yaddaş
"İlə" cümlələrin hansında bağlayıcı kimi işlənmişdir?
A) Vüsal öz məktəb yoldaşları ilə çox mehriban dolanır.
B) Onlar öz əlləri ilə əkdikləri bu ağaclara qulluq etməyi sevirlər.
C) Röstəm kişi otaqdan çıxan kimi Pərşan bir uşaq sevinci ilə Mayanın boynunu qucaqladı.
D) İmran kişi indiki vəziyyəti keçən ilki vaxt ilə ürəyində tutuşdurdu.
E) Adilin getməyi ilə qayıtmağı bir oldu.
Sözlərdən neçəsində vurğu birinci hecaya düşür?
Şölə, oçerk, dünya, çünkü, səhər, lirika
A) 4
B) 2
C) 5
D) 3
E) 1
Alınma sözlərin cərgəsini tapın:
A) çörək, su, səkkiz
B) razı, mətbəə, inqilab
C) maşın, beş, çırpı
D) dəftər, çanta, dil
E) sakit, qardaş, yazmaq
Hansı sözlərin yazılışı səhvdir?
1. Layihə        2. Səyahət       3. Bəyanat     4. Həyacan
5. Məcara       6. Qəraman     7. Füruzə
A) 1, 3, 6, 7
B) 1, 2, 4, 5
C) 3, 5, 6, 7
D) 1, 4, 6, 7
E) 4, 5, 6, 7
Sual cümlələrinin biri sual ədatının köməyi ilə yaranıb:
A) Nədəndir sözümə cavab verməmək?!
B) Heç ürəkdən şad olmayan gülərmi?!
C) Sən bu məsələyə necə baxırsan?
D) Azərbaycan Respublikası neçənci ildə müstəqillik əldə etmişdir?
E) Sənə kimi nişan verdilər?
Söz birləşmələrinin birində isim tabe tərəf kimi işlənib:
A) həyati mənafe
B) şəhərdəki tanışlarım
C) bugünkü iş
D) buludlu hava
E) taxta qapı
Cümlələrdən birinin xəbəri frazeoloji birləşmə ilə ifadə olunmuşdur:
A) Biz qəhrəman əsgərlə cəbhə xəttində tanış olduq.
B) Mürsəl birinci gündən rəqibinin gözünün odunu almışdı.
C) O, özünə təzə çəkmə almışdı.
D) Cıdır düzü buradan açıq-aydın görünürdü.
E) Qocalar da burada cavanlaşırlar.
Ayrı-ayrı elm sahələri üçün səciyyəvi sözləri əhatə edən lüğət növü:
A) orfoqrafiya lüğəti
B) terminoloji lüğət
C) omonimlər lüğəti
D) frazeoloji lüğət
E) orfoepiya lüğəti
Bir cür yazılan şəkilçilərin cərgəsini göstərin:
A) -lar, -ma, -kı, -dakı
B) -ın, -dan, -a, -da
C) -ıl, -ıb, -anda, -araq
D) -çı, -lıq, -maq, -ası
E) -keş, -gər, -gil, -daş
"Ay həzərat, bir zamana gəlibdir,
Ala qarğa şux tərlanı bəyənməz"    nümunəsi tabeli mürəkkəb cümlənin hansı növündədir?
A) zaman budaq cümləsi
B) mübtəda budaq cümləsi
C) tamamlıq budaq cümləsi
D) xəbər budaq cümləsi
E) təyin budaq cümləsi
Yoxlamadan sonra nəticə burada göstəriləcək
Top