Əsas səhifə Testlər TQDK inkişaf dinamikası 1999 Azərbaycan dili - VI, VII, VIII qruplar, Variant B

Tapılan ümumi test sayı : 28

M.P.Vaqif və Q.Zakir yaradıcılığı üçün ortaq cəhətlər:
1. Həm lirik, həm də epik əsərlərin yazılması
2. İctimai motivli satirik şerlərin yazılması
3. Həm əruz, həm də heca vəznində şerlərin yazılması
4. Məhəbbətin və real gözəlliyin tərənnümü
5. Həm nəzmlə, həm də nəsrlə əsərlərin yazılması
A) 1, 2, 4
B) 1, 3
C) 4, 5
D) 3, 4
E) 2, 4, 5
"Yerdən ayağını quş kimi üzüb,
Yay kimi dartılıb, ox kimi süzüb,
Yenə öz sürünü nizamla düzüb,
Baş alıb gedirsən hayana, ceyran?"
Misralarında hansı bədii təsvir vasitəsindən istifadə edilmişdir.
A) epitet
B) təşbeh
C) mübaliğə
D) metafora
E) metonimiya
"Füyuzat" jurnalının redaktoru:
A) Əhməd bəy Ağaoğlu
B) Məhəmməd Hadi
C) Həsən bəy Zərdabi
D) Ömər Faiq Nemanzadə
E) Əli bəy Hüseynzdə
"Kitabi-Dədə Qorqud" dastanından götürülmüş aşağıdakı parçada hansı obrazdan bəhs olunur?
"Oğuzun ol kişi tamam bilicisiydi. Nə dersə olardı, qayibdən dürlü xəbər söylərdi ... oğuz qövmünün müşkülünü həll edirdi. Hər nə olsa ... danışmayınca işləməzlərdi. Hər nə ki buyursa, qəbul edərlərdi. Sözün tutub tamam edərlərdi."
A) Dirsə xan
B) Bayandır xan
C) Dədə Qorqud
D) Qazan xan
E) Beyrək
Bəndlə bağlı verilən izahlardan biri doğru deyil:
Darğınam mən belə baxta,
Ürəyim qan laxta-laxta,
Bax ki, kimlər çıxdı taxta,
Küsdü kimin baxtı, bağlar?
A) Saranın dilindən verilmişdir.
B) Janrına görə qoşmadır.
C) Heca vəznindədir.
D) Ə.Cavadın "Səsli qız" poemasındandır.
E) Xalqın naləsi, qəsbkara nifrəti öz əksini tapmışdır.
Məsnəvi formasında yazılmış bu əsərin mərkəzində Tülkü surəti dayanır:
A) M.Füzuli. "Söhbətül-əsmar"
B) A.Bakıxanov. "Mişkatül-ənvar"
C) B.Şirvani. "Töhfətül-əhbab"
D) M.B.Xalxali. "Sələbiyyə"
E) S.Ə.Şirvani. "Aslan və iki öküz"
Lirik növün janrları hansı sıradadır?
A) poema, povest, əfsanə
B) qəsidə, roman, poema
C) hekayə, təmsil, qəzəl
D) qoşma, rübai, gəraylı
E) təmsil, nağıl, təcnis
XI əsrdə yaşamış bu sənətkarın lirik şerlər "Divan"ı və "Ət-təfasir" adlı farsca lüğəti vardır:
A) Mücirəddin Beyləqani
B) Məhsəti Gəncəvi
C) İzzəddin Şirvani
D) Qətran Təbrizi
E) Əfzələddin Xaqani
Epik əsər yazmış sənətkarları göstərin.
I. Qazi Bürhanəddin
II. Arif Ərdəbili
III. İmadəddin Nəsimi
IV. Şah İsmayıl Xətai
A) II, IV
B) I, III
C) I, II
D) II, III
E) III, IV
M.Hüseynin  "Yeraltı çaylar dənizə axır" romanındakı Səmirə Aydın surəti ilə bağlı fikirlərdən biri səhvdir:
A) Həssas, iradəli və cəsarətli bir qadındır.
B) İxtisasca jurnalistdir və başına gələnləri sürgündə ikən qələmə alır.
C) Ailəsinə, ocağına sadiq bir qadındır.
D) Müdhət haqqında qara xəbər aldıqdan özünü öldürmək istəyir.
E) Xəstəxanada Kamranla tanış olur və sonra ona ərə gedir.
"Doğru" sözünün qoşma vəzifəsində işləndiyi cümləni göstərin.
A) Doğru söz acı olar, nəticəsi şirin.
B) Uşaq anasına doğru can atırdı.
C) Könül, doğru yoldan gəl olma kənar.
D) Doğruya zaval yoxdur, çəksələr min divana.
E) Doğru büdrəyər, amma yıxılmaz.
Hansı cərgədə altından xətt çəkilmiş sözlərin hər ikisi təsirlik haldadır?
A) Gözünü açanda gördü ki, dostları ətrafında dayanıb.
B) Bir azdan avtobus gələcək, uşaqlar yola düşəcək.
C) Ayaqları sözünə baxmadı, çamadanı yerə qoydu.
D) Şahinin modeli yarışda birinci yeri tutdu.
E) Seyran göyərçin gördümü, dayanacaq, gözlərini göyə zilləyib duracaq.
"Yandırılacaq" sözünün morfoloji təhlilində buraxılmış səhvi göstərin.
A) Yan feli sözün köküdür.
B) -ıl məchul növün şəkilçisidir.
C) Düzəltmə feldir, nə edəcəkdir? sualına cavab verir.
D) -acaq qəti gələcək zaman şəkilçisidir.
E) -dır icbar növün şəkilçisidir.
"Quru odun" və "quru adam" birləşmələrindəki "quru" sözü aşağıdakılardan hansına uyğun gəlir?
A) çoxmənalı söz
B) təkmənalı söz
C) omonim
D) antonim
E) sinonim
Tabe tərəfi düzəltmə sifət olan I növ təyini söz birləşməsini göstərin.
A) çoxlu məsələ
B) şirindil uşaq
C) ipək köynək
D) həmin tapşırıq
E) təcrübəli bağban
"Bu da bir həqiqətdir ki, Azərbaycanın minillik tarixi üzrə ilk araşdırmalar əsas etibarilə əsrimizin ortalarından aparılmağa başlanmışdır" tabeli mürəkkəb cümləsində əvəzlik - qəlib baş cümlədə hansı sintaktik vəzifəni daşıyır?
A) mübtəda
B) təyin
C) zaman zərfliyi
D) tamamlıq
E) xəbər
Hansı fikir səhvdir?
A) Dilçilik elmi ictimai hadisə olan dili tədqiq edir.
B) Türklərin ilk ən böyük dilçisi XI əsr alimi M.Kaşğaridir.
C) Lüğətçilik dilçiliyin təcrübi sahələrindən biridir.
D) Dilçiliyin dialekt və şivələri öyrənən sahəsi etimologiya adlanır.
E) Fonetika, leksikologiya, qrammatika dilçiliyin şöbələridir.
"Biz övladlarımızı körpəlik çağlarından Vətəni sevməyə alışdırmalıyıq" cümləsindəki vasitəli tamamlıq nə ilə ifadə olunmuşdur?
A) məsdərlə
B) II növ təyini söz birləşməsi ilə
C) məsdər tərkibi ilə
D) feli sifət tərkibi ilə
E) isimlə
"Ömrün uzun olsun!", "Canın sağ olsun!", "Bəxtin ağ olsun!" nümunələri nitq etiketlərinin hansı növünə aiddir?
 
A) alqış
B) müraciət
C) görüşmə
D) ayrılma
E) təbrik
Hansı cərgədəki antonim sözlər əsl Azərbaycan sözlərindən ibarətdir?
A) ələm-nəşə
B) nainsaf-rəhmdil
C) zəif-güclü
D) isti-soyuq
E) sülh-müharibə
Yoxlamadan sonra nəticə burada göstəriləcək
Top