Əsas səhifə Testlər TQDK inkişaf dinamikası 1999 Azərbaycan dili - VI, VII, VIII qruplar, Variant B

Tapılan ümumi test sayı : 28

M.P.Vaqif və Q.Zakir yaradıcılığı üçün ortaq cəhətlər:
1. Həm lirik, həm də epik əsərlərin yazılması
2. İctimai motivli satirik şerlərin yazılması
3. Həm əruz, həm də heca vəznində şerlərin yazılması
4. Məhəbbətin və real gözəlliyin tərənnümü
5. Həm nəzmlə, həm də nəsrlə əsərlərin yazılması
A) 1, 2, 4
B) 2, 4, 5
C) 1, 3
D) 3, 4
E) 4, 5
"Yerdən ayağını quş kimi üzüb,
Yay kimi dartılıb, ox kimi süzüb,
Yenə öz sürünü nizamla düzüb,
Baş alıb gedirsən hayana, ceyran?"
Misralarında hansı bədii təsvir vasitəsindən istifadə edilmişdir.
A) epitet
B) təşbeh
C) metonimiya
D) metafora
E) mübaliğə
"Füyuzat" jurnalının redaktoru:
A) Ömər Faiq Nemanzadə
B) Əhməd bəy Ağaoğlu
C) Məhəmməd Hadi
D) Əli bəy Hüseynzdə
E) Həsən bəy Zərdabi
"Kitabi-Dədə Qorqud" dastanından götürülmüş aşağıdakı parçada hansı obrazdan bəhs olunur?
"Oğuzun ol kişi tamam bilicisiydi. Nə dersə olardı, qayibdən dürlü xəbər söylərdi ... oğuz qövmünün müşkülünü həll edirdi. Hər nə olsa ... danışmayınca işləməzlərdi. Hər nə ki buyursa, qəbul edərlərdi. Sözün tutub tamam edərlərdi."
A) Dirsə xan
B) Beyrək
C) Qazan xan
D) Dədə Qorqud
E) Bayandır xan
Bəndlə bağlı verilən izahlardan biri doğru deyil:
Darğınam mən belə baxta,
Ürəyim qan laxta-laxta,
Bax ki, kimlər çıxdı taxta,
Küsdü kimin baxtı, bağlar?
A) Heca vəznindədir.
B) Ə.Cavadın "Səsli qız" poemasındandır.
C) Janrına görə qoşmadır.
D) Saranın dilindən verilmişdir.
E) Xalqın naləsi, qəsbkara nifrəti öz əksini tapmışdır.
Məsnəvi formasında yazılmış bu əsərin mərkəzində Tülkü surəti dayanır:
A) M.B.Xalxali. "Sələbiyyə"
B) B.Şirvani. "Töhfətül-əhbab"
C) S.Ə.Şirvani. "Aslan və iki öküz"
D) M.Füzuli. "Söhbətül-əsmar"
E) A.Bakıxanov. "Mişkatül-ənvar"
Lirik növün janrları hansı sıradadır?
A) poema, povest, əfsanə
B) qoşma, rübai, gəraylı
C) hekayə, təmsil, qəzəl
D) təmsil, nağıl, təcnis
E) qəsidə, roman, poema
XI əsrdə yaşamış bu sənətkarın lirik şerlər "Divan"ı və "Ət-təfasir" adlı farsca lüğəti vardır:
A) Məhsəti Gəncəvi
B) Əfzələddin Xaqani
C) Qətran Təbrizi
D) İzzəddin Şirvani
E) Mücirəddin Beyləqani
Epik əsər yazmış sənətkarları göstərin.
I. Qazi Bürhanəddin
II. Arif Ərdəbili
III. İmadəddin Nəsimi
IV. Şah İsmayıl Xətai
A) II, IV
B) III, IV
C) II, III
D) I, III
E) I, II
M.Hüseynin  "Yeraltı çaylar dənizə axır" romanındakı Səmirə Aydın surəti ilə bağlı fikirlərdən biri səhvdir:
A) Müdhət haqqında qara xəbər aldıqdan özünü öldürmək istəyir.
B) İxtisasca jurnalistdir və başına gələnləri sürgündə ikən qələmə alır.
C) Xəstəxanada Kamranla tanış olur və sonra ona ərə gedir.
D) Həssas, iradəli və cəsarətli bir qadındır.
E) Ailəsinə, ocağına sadiq bir qadındır.
"Doğru" sözünün qoşma vəzifəsində işləndiyi cümləni göstərin.
A) Doğru söz acı olar, nəticəsi şirin.
B) Doğru büdrəyər, amma yıxılmaz.
C) Könül, doğru yoldan gəl olma kənar.
D) Uşaq anasına doğru can atırdı.
E) Doğruya zaval yoxdur, çəksələr min divana.
Hansı cərgədə altından xətt çəkilmiş sözlərin hər ikisi təsirlik haldadır?
A) Şahinin modeli yarışda birinci yeri tutdu.
B) Gözünü açanda gördü ki, dostları ətrafında dayanıb.
C) Ayaqları sözünə baxmadı, çamadanı yerə qoydu.
D) Seyran göyərçin gördümü, dayanacaq, gözlərini göyə zilləyib duracaq.
E) Bir azdan avtobus gələcək, uşaqlar yola düşəcək.
"Yandırılacaq" sözünün morfoloji təhlilində buraxılmış səhvi göstərin.
A) Yan feli sözün köküdür.
B) Düzəltmə feldir, nə edəcəkdir? sualına cavab verir.
C) -dır icbar növün şəkilçisidir.
D) -ıl məchul növün şəkilçisidir.
E) -acaq qəti gələcək zaman şəkilçisidir.
"Quru odun" və "quru adam" birləşmələrindəki "quru" sözü aşağıdakılardan hansına uyğun gəlir?
A) təkmənalı söz
B) omonim
C) sinonim
D) antonim
E) çoxmənalı söz
Tabe tərəfi düzəltmə sifət olan I növ təyini söz birləşməsini göstərin.
A) təcrübəli bağban
B) şirindil uşaq
C) çoxlu məsələ
D) ipək köynək
E) həmin tapşırıq
"Bu da bir həqiqətdir ki, Azərbaycanın minillik tarixi üzrə ilk araşdırmalar əsas etibarilə əsrimizin ortalarından aparılmağa başlanmışdır" tabeli mürəkkəb cümləsində əvəzlik - qəlib baş cümlədə hansı sintaktik vəzifəni daşıyır?
A) təyin
B) mübtəda
C) zaman zərfliyi
D) xəbər
E) tamamlıq
Hansı fikir səhvdir?
A) Fonetika, leksikologiya, qrammatika dilçiliyin şöbələridir.
B) Lüğətçilik dilçiliyin təcrübi sahələrindən biridir.
C) Dilçilik elmi ictimai hadisə olan dili tədqiq edir.
D) Dilçiliyin dialekt və şivələri öyrənən sahəsi etimologiya adlanır.
E) Türklərin ilk ən böyük dilçisi XI əsr alimi M.Kaşğaridir.
"Biz övladlarımızı körpəlik çağlarından Vətəni sevməyə alışdırmalıyıq" cümləsindəki vasitəli tamamlıq nə ilə ifadə olunmuşdur?
A) II növ təyini söz birləşməsi ilə
B) isimlə
C) məsdərlə
D) feli sifət tərkibi ilə
E) məsdər tərkibi ilə
"Ömrün uzun olsun!", "Canın sağ olsun!", "Bəxtin ağ olsun!" nümunələri nitq etiketlərinin hansı növünə aiddir?
 
A) alqış
B) görüşmə
C) təbrik
D) ayrılma
E) müraciət
Hansı cərgədəki antonim sözlər əsl Azərbaycan sözlərindən ibarətdir?
A) ələm-nəşə
B) nainsaf-rəhmdil
C) zəif-güclü
D) isti-soyuq
E) sülh-müharibə
Yoxlamadan sonra nəticə burada göstəriləcək
Top