Əsas səhifə Testlər TQDK inkişaf dinamikası 1999 Azərbaycan dili - II qrup, Variant B

Tapılan ümumi test sayı : 29

M.P.Vaqif və Q.Zakir yaradıcılığı üçün ortaq cəhətlər:
1. Həm lirik, həm də epik əsərlərin yazılması
2. İctimai motivli satirik şerlərin yazılması
3. Həm əruz, həm də heca vəznində şerərin yazılması
4. Məhəbbətin və real gözəlliyin tərənnümü
5. Həm nəzmlə, həm də nəsrlə əsərlərin yazılması
A) 1, 2, 4
B) 1, 3
C) 4, 5
D) 3, 4
E) 2, 4, 5
"Yerdən ayağını quş kimi üzüb,
Yay kimi dartılıb, ox kimi süzüb,
Yenə öz sürünü nizamla düzüb,
Baş alıb gedirsən hayana, ceyran?" 
misralarında hansı bədii təsvir vasitəsindən istifadə edilmişdir?
 
A) metafora
B) metonimiya
C) təşbeh
D) epitet
E) mübaliğə
"Füyuzat" jurnalının redaktoru:
A) Həsən bəy Zərdabi
B) Ömər Faiq Nemazadə
C) Əhməd bəy Ağaoğlu
D) Məhəmməd Hadi
E) Əli bəy Hüseynzadə
"Kitabi-Dədə Qorqud" dastanından götürülmüş aşağıdakı parçada hansı obrazdan bəhs olunur?
"Oğuzun ol kişi tamam bilicisiydi. Nə dersə olardı, qayibdən dürlü xəbər söylərdi... oğuz qövmünün müşkülünü həll edərdi. Hər nə iş olsa... danışmayınca işləməzlərdi. Hər nə ki buyursa, qəbul edərlərdi. Sözün tutub tamam edərlərdi."
A) Dədə Qorqud
B) Beyrək
C) Bayandır xan
D) Qazan xan
E) Dirsə xan
Bəndlə bağlı verilən izahlardan biri doğru deyil:
Darğınam mən belə baxta,
Ürəyim qan laxta-laxta,
Bax ki, kimlər çıxdı taxta,
Küsdü kimin baxtı, bağlar?
A) Ə.Cavadın "Səsli qız" poemasındandır.
B) Xalqın naləsi, qəsbkara nifrəti öz əksini tapmışdır.
C) Janrına görə qoşmadır.
D) Heca vəznindədir.
E) Saranın dilindən verilmişdir.
Məsnəvi formasında yazılmış bu əsərin mərkəzində Tülkü sürəti dayanır:
A) B.Şirvani. "Töhfətül-əhbab"
B) A.Bakıxanov. "Mişkatül-ənvar"
C) M.Füzuli. "Söhbətül-əsmar"
D) M.B.Xalxali. "Sələbiyyə"
E) S.Ə.Şirvani. "Aslan və iki öküz"
Lirik növün janrları hansı sıradadır?
A) qoşma, rübai, gəraylı
B) hekayə, təmsil, qəzəl
C) poema, povest, əfsanə
D) təmsil, nağıl, təcnis
E) qəsidə, roman, poema
XI əsrdə yaşamış bu sənətkarın lirik şerlər "Divan"ı və "Ət-təfasir" adlı farsca lüğəti vardır:
A) Əfzələddin Xaqani
B) İzəddin Şirvani
C) Məhsəti Gəncəvi
D) Qətran Təbrizi
E) Mücirəddin Beyləqani
Epik əsər yazmış sənətkarları göstərin.
I. Qazi Bürhanəddin
II. Arif Ərdəbili
III. İmadəddin Nəsimi
IV. Şah İsmayıl Xətai
A) II, III
B) II, IV
C) I, II
D) I, III
E) III, IV
M.Hüseynin "Yeraltı çaylar dənizə axır" romanındakı Səmirə Aydın surəti ilə bağlı fikirlərdən biri səhvdir:
A) Xəsəxanada Kamranla tanış olur və sonra ona ərə gedir.
B) Ailəsinə, ocağına sadiq bir qadındır.
C) İxtisasca jurnalistdir və başına gələnləri sürgündə ikən qələmə alır.
D) Həssas, iradəli və cəsarətli bir qadındır.
E) Müdhət haqqında qara xəbər aldıqdan sonra özünü öldürmək istəyir.
"Doğru" sözünün qoşma vəzifəsində işləndiyi cümləni göstərin.
A) Uşaq anasına doğru can atırdı.
B) Könül, doğru yoldan gəl olma kənar.
C) Doğru büdrəyər, amma yıxılmaz.
D) Doğruya zaval yoxdur, çəksələr min divana.
E) Doğru söz acı olar.
Hansı cərgədə altından xətt çəkilmiş sözlərin hər ikisi təsirlik haldadır?
A) Ayaqları sözünə baxadı, çamadanı yerə qoydu.
B) Bir azdan avtobus gələcək, uşaqlar yola düşəcək.
C) Şahinin modeli yarışda birinci yeri tutdu.
D) Gözünü açanda gördü ki, dostları ətrfında dayanıb.
E) Seyran göyərçin gördümü, dayanacaq, gözlərini göyə zilləyib duracaq.
"Yandırılacaq" sözünün morfoloji təhlilində buraxılmış səhvi göstərin:
A) Yan feli sözün köküdür.
B) -acaq qəti gələcək zaman şəkilçisidir.
C) -ıl məchul növün şəkilçisidir.
D) -dır icbar növün şəkilçisidir.
E) Düzəltmə feldir, nə edəcəkdir? sualına cavab verir.
"Quru odun" və "quru adam" birləşmələrindəki "quru" sözü aşağıdakılardan hansına uyğun gəlir?
A) antonim
B) sinonim
C) təkmənalı söz
D) çoxmənalı söz
E) omonim
Tabe tərəfi düzəltmə sifət olan I növ təyini söz birləşməsini göstərin.
A) həmin tapşırıq
B) çoxlu məsələ
C) şirindil uşaq
D) ipək köynək
E) təcrübəli bağban
"Bu da bir həqiqətdir ki, Azərbaycanın minillik tarixi üzrə ilk araşdırmalar əsas etibarilə əsrimizin ortalarından aparılmağa başlanmışdır" tabeli mürəkkəb cümləsində əvəzlik-qəlib baş cümlədə hansı sintaktik vəzifəni daşıyır?
A) zaman zərfliyi
B) mübtəda
C) tamamlıq
D) təyin
E) xəbər
Hansı fikir səhvdir?
A) Lüğətçilik dilçiliyin təcrübi sahələrindən biridir.
B) Dilçilik elmi ictimai hadisə olan dili tədqiq edir.
C) Dilçiliyin dialekt və şivələri öyrənən sahəsi etimologiya adlanır.
D) Fonetika, leksikologiya, qrammatika dilçiliyin şöbələridir.
E) Türklərin ilk ən böyük dilçisi XI əsr alimi M.Kaşğaridir.
"Biz övladlarımızı körpəlik çağlarından Vətəni sevməyə alışdırmalıyıq" cümləsindəki vasitəli tamamlıq nə ilə ifadə olunmuşdur?
A) feli sifət tərkibi ilə
B) məsdərlə
C) isimlə
D) II növ təyini söz birləşməsi ilə
E) məsdər tərkibi iə
"Ömrün uzun osun!", "Canın sağ olsun!", "Bəxtin ağ olsun!" nümunələri nitq etiketlərinin hansı növünə aiddir?
A) alqış
B) ayrılma
C) təbrik
D) görüşmə
E) müraciət
Hansı cərgədəki antonim sözlər əsl Azərbaycan sözlərindən ibarətdir?
A) ələm-nəşə
B) sülh-mübarizə
C) nainsaf-rəhmdil
D) zəif-güclü
E) isti-soyuq
Yoxlamadan sonra nəticə burada göstəriləcək
Top