Əsas səhifə Testlər TQDK inkişaf dinamikası 2000 Azərbaycan dili - I qrup, Variant A

Tapılan ümumi test sayı : 26

Ağıllı, ədalətli və igid hökmdardır. Ölkədə aclıq olarkən, dövlət xəzinəsini açaraq xalqa kömək edir. Lakin sonralar başı bir müddət eyş-işrətə qarışır və ölkənin idarəsi unudulur.
Bu sözlər N.Gəncəvinin hansı qəhrəmanını səciyyələndirir?
A) Xosrovu
B) Hörmüzü
C) Şirini
D) Bəhramı
E) İsgəndəri
S.Vurğunun "Azərbaycan" və S.Rüstəmin "Təbrizim" şerlərinin ortaq cəhətləri ilə bağlı fikirlərdən biri yanlışdır:
A) Hər iki şerdə bütöv Azərbaycan idealından söhbət gedir.
B) Hər iki şer lirik-emosional üslubda, obyektə müraciətlə yazılmışdır.
C) Hər iki şer beşlik formasında, heca vəznindədir.
D) Hər iki şer bəndlər şəklindədir.
E) Hər iki şerdə bəndlərin qafiyə quruluşu eynidir.
C.Cabbarlı yaradıcılığının birinci dövrünə aid əsəri göstərin:
A) "Sevil"
B) "Oqtay Eloğlu"
C) "Dönüş"
D) "Od gəlini"
E) "Nəsrəddin şah"
"-Sən Həzrət Abbas, Həsən ağanın qohumusan?
-Həzrət Abbas haqqı, Həsən ağanın qohumuyam.
-Bəs elə isə gəl min mənim boynuma.
Neyləyim Həsən ağanın qohumusan, gözlə, vaxtında kağız hazır olar apararsan".
Bu sözləri deyən obraz kimdir?
A) Heydər bəy (M.F.Axundzadə)
B) Novruzəli (C.Məmmədquluzadə)
C) Usta Zeynal(C.Məmmədquluzadə)
D) Mirzə Səfər (Ə.Haqverdiyev)
E) Vəli xan (C.Məmmədquluzadə)
Q.Zakirin "Durnalar" əsəri haqqında düzgün olan fikirləri seçin:
1. Qoşmada qürbət sıxıntısı, vətən həsrəti təsirli bir dillə əks etdrilib.
2. "Durnalar" mövzusunda yazılan digər qoşmalardan fərqli olaraq, bu əsərdə ictimai məzmun daha güclüdür.
3. Şair "Laçın yatğıdır bizim məkanlar" deməklə yurdunun mərdlər diyarı olmasını nəzərdə tutur.
4. Əsər qoşma janrında yazılmışdır.
5. Bu şeri Q.Zakir M.F.Axundzadəyə müraciətlə yazmış və ağır həbsxana şəraitindən şikayətlənmişdir.
A) 2, 3
B) 1, 3, 5
C) 1, 2, 4
D) 1, 2, 5
E) 1, 4, 5
Qafiyə quruluşuna görə qəzəllə eyni olan şer növü hansıdır?
A) qəsidə
B) qitə
C) müxəmməs
D) rübai
E) mürəbbe
"Bax" qəzəlinin müəllifi:
A) İmadəddin Nəsimi
B) Molla Pənah Vaqif
C) Şah İsmayıl Xətai
D) Molla Vəli Vidadi
E) Məhəmməd Füzuli
XIX əsrin sonlarında yaranmış bədii nəsr əsərlərini göstərin:
A) "Poçt qutusu", "Qurbanəli bəy", "Usta Zeynal"
B) "Danabaş kəndinin əhvalatları", "Bahadır və Sona",  "Məktubatı-Şeyda bəy Şirvani"
C) "Kitabi-Əsgəriyyə", "Rəşid bəy və Səadət xanım", "Aldanmış kəvakib"
D) "Səəbiyyə", "Pir", "İnsanların tarixi faciələri"
E) "Müsibəti-Fəxrəddin", "Dağılan tifaq", "Nadir şah"
Ah çəkdim, başım üstə yarpaqlar əsdi, gülü,
Sənin qəlbin əsmədi... (B.Vahabzadə)
Nümunədə hansı bədii ifadə vasitələri işlənmişdir?
1. kinayə                  2. təzad                   3. bədii sual
4. mübaliğə              5. litota
A) 1, 4
B) 2, 4
C) 3, 5
D) 1, 3
E) 2, 5
Şifahi xalq ədəbiyyatının lirik növünə daxildir:
1. mahnılar               2. əsatirlər                 3. laylalar         
4. nağıllar                 5. oxşamalar
A) 1, 3, 5
B) 3, 4, 5
C) 2, 3, 4
D) 1, 3, 4
E) 1, 2, 5
Aşağıdakı sözlərdən hansının tərkibində ancaq dodaqlanan saitlər iştirak edir?
A) yorğun
B) nəsimişünas
C) meydança
D) qiraət
E) yoluxmaq
Səhv fikir hansıdır?
A) Mübtəda ancaq adlıq halda ola bilər.
B) Yerlik və çıxışlıq halda olan isimlər cümlənin yalnız zərfliyi və tamamlığı ola bilirlər.
C) Qeyri-müəyyən yiyəlik hal ayrıldıqda heç bir cümlə üzvü ola bilməz.
D) Təsirlik hada olan sözlər cümlənin xəbəri ola bilməz.
E) Yerlik halda olan söz qoşmalarla işlənə bilmir.
Zaman zərflərindən ibarət cərgəni göstərin:
A) dünən, xeyli, əlüstü
B) asta, bu gün, qəfildən
C) yuxarı, istidən, axşam
D) bərkdən, sonra, yavaşca
E) həmişə, indi, çoxdan
"Xəstələnməyən adam" birəşməsinin asılı tərəfi nə ilə ifadə olunmuşdur?
A) isimlə
B) məsdərlə
C) feli bağlama ilə
D) feli sifətlə
E) sifətlə
Hansı cümlənin xəbərinin deyilişi yazılışından fərqlənir?
A) Quyunun suyu günbəgün azalırdı.
B) Balıqçılar qayığa mindilər.
C) Süfrəyə isti çörək gətirdilər.
D) Babamın söhbətləri çox maraqlıdır.
E) Sürücülər arasında mübahisə gedirdi.
Aşağıdakılardan biri məişət üslubunun əlamətlərindən sayıla biməz:
A) yığcamlıq
B) daha çox bütöv cümlələrdən istifadə
C) sərbəstlik
D) intonasiya, jest-hərəkət-mimika
E) dialoji nitq şəklində olması
Mürəkkəb yer zərfliyi işlənmiş cümlələri göstərin:
1. Dayımgil Cəlilabadda yaşayır.
2. Gündəliyim Həsən müəllimdə qalmışdı.
3. Bağımız dəniz kənarında yerləşir.
4. Kənd yerində yaşayan bunu bilməz.
5. Təzə evlər Babək prospektində yerləşir.
A) 2, 4
B) 1, 5
C) 1, 4, 5
D) 2, 3
E) 3, 5
"Zülmə adət etmiş xalq Yusif Sərraca qarşı üsyan qaldırdılar" cümləsində ədəbi dilin hansı norması pozulmuşdur?
A) leksik və fonetik
B) fonetik
C) fonetik və qrammatik
D) qrammatik
E) leksik
Sözlərin və ya cümlələrin təsir gücünü artıran nitq hissəsi:
A) qoşma
B) sifət
C) modal söz
D) ədat
E) nida
"Demişdim" felində "-di" nədir?
A) "-dir" şəkilçisinin tələffüz variantı
B) nəqli keçmiş zaman şəkilçisi
C) şühudi keçmiş zaman şəkilçisi
D) "idi" hissəciyinin qısaldılmışı
E) xəbər şəklinin şəkilçisi
Yoxlamadan sonra nəticə burada göstəriləcək
Top