Əsas səhifə Testlər TQDK inkişaf dinamikası 2000 Azərbaycan dili - III qrup, Variant B

Tapılan ümumi test sayı : 25

Bir bəndi verilmiş aşağıdakı şer lirik növün hansı janrında yazılıb?
"İpək nazbalışa Mina dayandı,
Həcər nalə çəkdi, Mina da yandı,
Həsrətimdən dərdim minə dayandı,
Sən gəlsən, əysilər də bir üz, bir üz.
A) gəraylı
B) mürəbbe
C) rübai
D) təcnis
E) bayatı
"Mən, sən və müəllimlər iclasda iştirak edəcəklər" cümləsində ədəbi dilin hansı norması pozulmuşdur?
A) leksik
B) leksik və fonetik
C) fonetik
D) fonetik və qrammatik
E) qrammatik
Təyin vəzifəsində işlənmiş əvəzliyi göstərin.
A) Haçan gəlmisən?
B) Elə danış ki, səni yaxşı başa düşsünlər.
C) İndi vəziyyət belədir.
D) Bəzi adamlar zehni əməkdən tez yorulurlar.
E) Baykal gölünü xəritədə kim göstərə bilər?
Mürəkkəb sözlərdən ibarət cərgəni göstərin.
A) bimərifət, toyuq-cücə, topa-topa
B) cəfakeş, üzümçü, kağız-kuğuz
C) mer-meyvə, qeyri-dəqiq, narazı
D) əlüzyuyan, qoyun-quzu, günorta
E) bisavad, el-oba, çör-çöp
Tələffüzü ilə yazılışı fərqlənməyən qoşasamitli sözləri göstərin.
1. xallı, qüvvə                2. doqquz, səkkiz
3. saqqal, hətta             4. qüllə, zərrə
5. təqsir, rəqqasə
A) 2, 4
B) 2, 3
C) 1, 3
D) 1, 4
E) 3, 5
"Xəzər dənizi" birləşməsindəki asılı tərəfin morfoloji təhlilindəki səhvi tapın.
A) adlıq haldadır
B) konkret isimdir
C) isimdir, quruluşuna görə sadədir
D) təkdir
E) xüsusi isimdir
Nümunədə işlənmiş bədii təsvir vasitəsini göstərin.
Göylərində at oynadır şimşəklər,
Bir an olur gur yağışı, dolusu.
A) epitet
B) metonimiya
C) simvol
D) təşbeh
E) metafora
M.V.Vidadinin yaradıcılığının məzmunca əsas xüsusiyyəti hansı cavabda düzgün verilmişdir?
A) təbiətə vurğunluq
B) ictimai kədər
C) ictimai eybəcərliyin kəskin tənqidi
D) ədalətli  hökmdar ideyasının təbliği
E) həyat eşqinin tərənnümü
Q.Zakirin lirik yaradıcılığı ilə bağlı düzgün fikirləri seçin.
1. Lirikasının bir hissəsi məhəbbət, digər hissəsi isə ictimai mövzudadır.
2. Şerlərində daha çox real məhəbbət tərənnüm olunur.
3. Lirik şerlərində ən çox Füzuli və Vaqif  yaradıcılığının təsiri duyulur.
4. Lirik şerlərin hamısına heca vəznində, qoşma janrında yazmışdır.
5. Qəzəllərində sufi məhəbbətin izləri daha qabarıqdır.
A) 4, 5
B) 3, 4, 5
C) 1, 5
D) 1, 2, 3
E) 2, 3, 4
C.Cabbarlının "Oqtay Eloğlu" faciəsində baş qəhrəmanın düşmənləri onun yenidən teatra qayıtmaması üçün ilk növbədə nəyə əl atırlar?
A) Biletlərin satılmasına maneçilik törətməklə tamaşanı pozmağa çalışırlar.
B) Amalya rolunu oynayan aktrisanı öyrədirlər ki, xəstələndiyini bəhanə edib səhnəyə çıxmasın.
C) Tamaşaçılara Oqtayın ruhi xəstə olduğunu söyləyirlər.
D) Ona külli miqdarda pul təklif edirlər.
E) Ona hədə-qorxu gəlirlər.
Aşağıdakı əlamətlərdən biri C.Cabbarlı və H.Cavid yaradıcılığı üçün ortaq sayıla bilməz:
A) dram əsərlərinə üstünlük verillməsi
B) tarixi mövzuda əsərlərin yazılması
C) mənzum dramların yazılması
D) yaradıcılığa şerlə başlanılması
E) həm lirik şerlərin, həm də dram əsərlərin yazılması
Səadət xanım ("Müsibəti-Fəxrəddin") Fəxrəddinin meyiti üzərində dediyi: "Ölsəm əziyyətdən xilas ollam, Fəxrəddin, onu istəmirəm..." sözləri ilə nə demək istəyirdi?
A) Fəxrəddinin nakam arzularını yerinə yetirmək üçün əziyyət çəkmək istəyir və ölümü bu əziyyətdən qaçmaq kimi başa düşürdü.
B) Fəxrəddinin dərddən beli bükülmüş anası Mələk xanıma xidmət etmək, onun ömrünü uzatmaq üçün əziyyət çəkmək istəyirdi.
C) Fəxrəddin bəyin müsibətini bütün ömrü boyu öz məhrumiyyətləri və göz yaşları ilə yaşamaq istəyirdi.
D) Sevgilisinin qədrini bilməyən "vəhşi nadanlara" özünün sağ qalması ilə Fəxrəddini xatırlatmaq istəyirdi.
E) Rahat ölüm istəmirdi.
Əfzələddin Xaqani ilə əlaqədar fikirlərdən hansı səhvdir?
A) "Mədain xərabələri" adlı fəlsəfi əsərində şairin məhəbbətlə bağlı fikirləri başlıca yer tutur.
B) Əvvəl sarayda yaşamış, lakin sonradan sarayla özü arasında ziddiyyəti dərk edərək oradan uzaqlaşmışdır.
C) Şirvanşahlar sarayında yaşayıb-yaratmış şairlərdəndir.
D) Qəsidələri ilə məşhurdur.
E) Ədəbiyyatımızda məsnəvi formasında yazılmış ilk poemanın müəllifi kimi tanınır.
"İnteligentlik, gəzərik naz ilə,
Ömr edərik nəşeyi-dəmsaz ilə" misraları M.Ə.Sabirin hansı şerindədir?
A) "Səttarxana"
B) "Ruhum"
C) "Kim nə deyər bizdə olan qeyrətə?"
D) "Nə işim var"
E) "Ürəfa marşı"
Şəkli yazıya aid olanı göstərin:
A) Nəqliyyat yolunda qoyulmuş nida işarəsi
B) Toy zamanı ələ xına qoyulması
C) Ət mağazasının vitrinindəki inək kəlləsi şəkli
D) Suyun H2O işarəsi ilə göstərilməsi
E) Aptekin qapısındakı ilan şəkli
"Hamı xalqa sədaqətlə xidmət etməyə çalışmalıdır" cümləsində tamamlıq nə ilə ifadə olunmuşdur?
A) isimlə
B) məsdər tərkibi ilə
C) məsdərlə
D) II növ təyini söz birləşməsi ilə
E) feli sifət tərkibi ilə
Nəqli cümləni müəyyənləşdirin:
A) Yaşasın Azərbaycan Respublikası!
B) Siz öz vəzifənizi həmişə belə icra edin.
C) Günah kimdədir?
D) Ana oğlunun  doluxsunmuş gözlərinə baxdı.
E) Səlim, pəncərəni aç.
Cümlələrdən birində birləşdirmə bağlayıcısı işlənmişdir:
A) Rəşid dostları ilə görüşməli idi.
B) Mən çağırdım, ancaq sən eşitmədin.
C) Ariflə Vasif qardaşdırlar.
D) Həm sevinir, həm də təəccüblənirdi.
E) Ay da, ulduz da sənə həsrətlə baxır.
Bunlardan ikisi daha çox elmi üslub üçün əlamətdardır:
1. Məcazilik
2. Obrazlılıq
3. Mürəkkəb cümlə tiplərindən daha çox istifadə
4. Bədii təsvir və ifadə vasitələrindən istifadə
5. Termin sıxlığı
6. Dialektizm və loru sözləin işlənməsi
A) 4, 6
B) 4, 5
C) 3, 5
D) 2, 4
E) 1, 6
Nümunələrədən yalnız birində idarə əlaqəsi var:
A) hərbi vəzifə
B) Qış gəldi.
C) ana vətən
D) böyüklərə hörmət
E) qızıl payız
Yoxlamadan sonra nəticə burada göstəriləcək
Top