Əsas səhifə Testlər TQDK inkişaf dinamikası 2000 Azərbaycan dili - III qrup, Variant B

Tapılan ümumi test sayı : 25

Bir bəndi verilmiş aşağıdakı şer lirik növün hansı janrında yazılıb?
"İpək nazbalışa Mina dayandı,
Həcər nalə çəkdi, Mina da yandı,
Həsrətimdən dərdim minə dayandı,
Sən gəlsən, əysilər də bir üz, bir üz.
A) təcnis
B) bayatı
C) rübai
D) gəraylı
E) mürəbbe
"Mən, sən və müəllimlər iclasda iştirak edəcəklər" cümləsində ədəbi dilin hansı norması pozulmuşdur?
A) fonetik
B) qrammatik
C) fonetik və qrammatik
D) leksik və fonetik
E) leksik
Təyin vəzifəsində işlənmiş əvəzliyi göstərin.
A) Elə danış ki, səni yaxşı başa düşsünlər.
B) Bəzi adamlar zehni əməkdən tez yorulurlar.
C) İndi vəziyyət belədir.
D) Haçan gəlmisən?
E) Baykal gölünü xəritədə kim göstərə bilər?
Mürəkkəb sözlərdən ibarət cərgəni göstərin.
A) cəfakeş, üzümçü, kağız-kuğuz
B) bisavad, el-oba, çör-çöp
C) bimərifət, toyuq-cücə, topa-topa
D) əlüzyuyan, qoyun-quzu, günorta
E) mer-meyvə, qeyri-dəqiq, narazı
Tələffüzü ilə yazılışı fərqlənməyən qoşasamitli sözləri göstərin.
1. xallı, qüvvə                2. doqquz, səkkiz
3. saqqal, hətta             4. qüllə, zərrə
5. təqsir, rəqqasə
A) 1, 4
B) 2, 4
C) 3, 5
D) 2, 3
E) 1, 3
"Xəzər dənizi" birləşməsindəki asılı tərəfin morfoloji təhlilindəki səhvi tapın.
A) xüsusi isimdir
B) isimdir, quruluşuna görə sadədir
C) konkret isimdir
D) adlıq haldadır
E) təkdir
Nümunədə işlənmiş bədii təsvir vasitəsini göstərin.
Göylərində at oynadır şimşəklər,
Bir an olur gur yağışı, dolusu.
A) simvol
B) epitet
C) metafora
D) metonimiya
E) təşbeh
M.V.Vidadinin yaradıcılığının məzmunca əsas xüsusiyyəti hansı cavabda düzgün verilmişdir?
A) ədalətli  hökmdar ideyasının təbliği
B) həyat eşqinin tərənnümü
C) təbiətə vurğunluq
D) ictimai kədər
E) ictimai eybəcərliyin kəskin tənqidi
Q.Zakirin lirik yaradıcılığı ilə bağlı düzgün fikirləri seçin.
1. Lirikasının bir hissəsi məhəbbət, digər hissəsi isə ictimai mövzudadır.
2. Şerlərində daha çox real məhəbbət tərənnüm olunur.
3. Lirik şerlərində ən çox Füzuli və Vaqif  yaradıcılığının təsiri duyulur.
4. Lirik şerlərin hamısına heca vəznində, qoşma janrında yazmışdır.
5. Qəzəllərində sufi məhəbbətin izləri daha qabarıqdır.
A) 2, 3, 4
B) 1, 2, 3
C) 1, 5
D) 4, 5
E) 3, 4, 5
C.Cabbarlının "Oqtay Eloğlu" faciəsində baş qəhrəmanın düşmənləri onun yenidən teatra qayıtmaması üçün ilk növbədə nəyə əl atırlar?
A) Ona hədə-qorxu gəlirlər.
B) Ona külli miqdarda pul təklif edirlər.
C) Amalya rolunu oynayan aktrisanı öyrədirlər ki, xəstələndiyini bəhanə edib səhnəyə çıxmasın.
D) Tamaşaçılara Oqtayın ruhi xəstə olduğunu söyləyirlər.
E) Biletlərin satılmasına maneçilik törətməklə tamaşanı pozmağa çalışırlar.
Aşağıdakı əlamətlərdən biri C.Cabbarlı və H.Cavid yaradıcılığı üçün ortaq sayıla bilməz:
A) yaradıcılığa şerlə başlanılması
B) mənzum dramların yazılması
C) həm lirik şerlərin, həm də dram əsərlərin yazılması
D) dram əsərlərinə üstünlük verillməsi
E) tarixi mövzuda əsərlərin yazılması
Səadət xanım ("Müsibəti-Fəxrəddin") Fəxrəddinin meyiti üzərində dediyi: "Ölsəm əziyyətdən xilas ollam, Fəxrəddin, onu istəmirəm..." sözləri ilə nə demək istəyirdi?
A) Sevgilisinin qədrini bilməyən "vəhşi nadanlara" özünün sağ qalması ilə Fəxrəddini xatırlatmaq istəyirdi.
B) Fəxrəddin bəyin müsibətini bütün ömrü boyu öz məhrumiyyətləri və göz yaşları ilə yaşamaq istəyirdi.
C) Fəxrəddinin nakam arzularını yerinə yetirmək üçün əziyyət çəkmək istəyir və ölümü bu əziyyətdən qaçmaq kimi başa düşürdü.
D) Rahat ölüm istəmirdi.
E) Fəxrəddinin dərddən beli bükülmüş anası Mələk xanıma xidmət etmək, onun ömrünü uzatmaq üçün əziyyət çəkmək istəyirdi.
Əfzələddin Xaqani ilə əlaqədar fikirlərdən hansı səhvdir?
A) Əvvəl sarayda yaşamış, lakin sonradan sarayla özü arasında ziddiyyəti dərk edərək oradan uzaqlaşmışdır.
B) Ədəbiyyatımızda məsnəvi formasında yazılmış ilk poemanın müəllifi kimi tanınır.
C) Şirvanşahlar sarayında yaşayıb-yaratmış şairlərdəndir.
D) Qəsidələri ilə məşhurdur.
E) "Mədain xərabələri" adlı fəlsəfi əsərində şairin məhəbbətlə bağlı fikirləri başlıca yer tutur.
"İnteligentlik, gəzərik naz ilə,
Ömr edərik nəşeyi-dəmsaz ilə" misraları M.Ə.Sabirin hansı şerindədir?
A) "Səttarxana"
B) "Ürəfa marşı"
C) "Nə işim var"
D) "Ruhum"
E) "Kim nə deyər bizdə olan qeyrətə?"
Şəkli yazıya aid olanı göstərin:
A) Aptekin qapısındakı ilan şəkli
B) Suyun H2O işarəsi ilə göstərilməsi
C) Ət mağazasının vitrinindəki inək kəlləsi şəkli
D) Nəqliyyat yolunda qoyulmuş nida işarəsi
E) Toy zamanı ələ xına qoyulması
"Hamı xalqa sədaqətlə xidmət etməyə çalışmalıdır" cümləsində tamamlıq nə ilə ifadə olunmuşdur?
A) məsdərlə
B) məsdər tərkibi ilə
C) II növ təyini söz birləşməsi ilə
D) feli sifət tərkibi ilə
E) isimlə
Nəqli cümləni müəyyənləşdirin:
A) Yaşasın Azərbaycan Respublikası!
B) Səlim, pəncərəni aç.
C) Ana oğlunun  doluxsunmuş gözlərinə baxdı.
D) Günah kimdədir?
E) Siz öz vəzifənizi həmişə belə icra edin.
Cümlələrdən birində birləşdirmə bağlayıcısı işlənmişdir:
A) Ay da, ulduz da sənə həsrətlə baxır.
B) Ariflə Vasif qardaşdırlar.
C) Rəşid dostları ilə görüşməli idi.
D) Həm sevinir, həm də təəccüblənirdi.
E) Mən çağırdım, ancaq sən eşitmədin.
Bunlardan ikisi daha çox elmi üslub üçün əlamətdardır:
1. Məcazilik
2. Obrazlılıq
3. Mürəkkəb cümlə tiplərindən daha çox istifadə
4. Bədii təsvir və ifadə vasitələrindən istifadə
5. Termin sıxlığı
6. Dialektizm və loru sözləin işlənməsi
A) 1, 6
B) 3, 5
C) 4, 6
D) 4, 5
E) 2, 4
Nümunələrədən yalnız birində idarə əlaqəsi var:
A) ana vətən
B) hərbi vəzifə
C) Qış gəldi.
D) böyüklərə hörmət
E) qızıl payız
Yoxlamadan sonra nəticə burada göstəriləcək
Top