Əsas səhifə "Söz-söhbət" haqqında atalar sözləri
  • Abır istəsən çox demə, Sağlıq istəsən çox yemə.
  • Adam odur ilqarından dönməyə.
  • Adam var gözdən qızar,
    Adam var sözdən qızar.
  • Adamın üzünə baxarlar, halını xəbər alarlar.
  • Adın nədir? - Rəşid! Birin de, birin eşit!
  • Ağzının qaytanı yoxdur.
  • Ara sözü ev yıxar.
  • Baş, dil ilə asılar.
  • Başa dil gətirəni, el gətirə bilməz.
  • Bildiyindən danış, bilmədiyin səni güdaza verər.
  • Bir dəli quyuya bir daş atdı, on ağıllı gəldi, çıxara bilmədi.
  • Bir doğru ki, yalana oxşadı, onu deməzlər.
  • Bir misqal dilini qoyub, bir batman başı ilə danışır.
  • Bir qəlbi ki, tikə bilmirsən, niyə yıxırsan?
  • Bol çörəyin yoxdur, şirin dilin olsun barı.
  • Çox bilən quş, dimdiyindən cələyə düşər.
  • Çox bilib az danışmaq igidin ləngəridir.
  • Çox bilirsən, az danış.
  • Damara bax, qan al.
  • Danışana macal vermir.
  • Danışığını yeyəsən.
  • Danışıq, dananı qurda verər.
  • Danışıram - pis olur, Danışmıram - his olur.
  • Danışmaq gümüş, danışmamaq qızıldır.
  • Dedim bir ağız ağla, demədim eli güldür bizə.
  • Dedim eşidəsən, demədim öyrənəsən!
  • Deyə-deyə dilimdə tük bitdi.
  • Deyən ağılsız olsa, dinləyən ağıllı gərək.
  • Dil ürəyin açarıdır.
  • Dil yalançı olunca, lal olsa yaxşıdır.
  • Dil yanılar, doğrusunu deyər.
  • Dil yarası qılınc yarasından yamandır.
  • Dilim-dilim olasan, dilim!
  • Dilini saxlayan salamat olar.
  • Dinəndə pis olur, dinməyəndə dərd kəsir.
  • Doğru danışanın papağı yirtıq olar.
  • Doğru elə bilər hamı doğrudur.
  • Doğru elə bilğr hamı doğrudur.
  • Doğru söz acı olar.
  • Doğru söz dəmiri dələr.
  • Doğru sözdən xəta gəlməz.
  • Doğru yalanı qovar.
  • Doğruluqla dost qapısın dolan gəl öz evin kimi.
  • Doğruya zaval yoxdur, çəksələr min divana.
  • Düz sözə boynum qıldan nazikdir.
  • Əvvəl danış, sonra gül.
  • Əvvəl düşün, sonra danış.
  • Hərzəkar ağız başa yumruq vurdurar.
  • İnsan ölər, söz qalar.
  • Kələk ilə gələn, külək ilə gedər.
  • Kişinin sözü bir olar.
  • Nə dil bilsin, nə dodaq.
  • Qorxu adama yalan dedirdər.
  • Şamaxıda danışılan, Bakıda eşidilir.
  • Şirin dil ilanı yuvadan çıxardar.
  • Söhbət ki var, bulaqdır, kəsilməsə axacaq.
  • Söyləyən olma, dinləyən ol.
  • Söyləyəndən dinləyən arif gərək.
  • Söz bir olsa, dağ oynayar yerindən.
  • Söz çeynəyən çox, söz deyən az.
  • Söz danışıqdan keçər.
  • Söz doğar.
  • Söz götürənin, yer oturanındır.
  • Söz həyatın bəzəyidir.
  • Söz insanın vuran əlidir.
  • Söz ki var, dəmirdir, vurduqca uzanar.
  • Söz odur ki, haqqa vara.
  • Söz qılıncdan kəsərlidir.
  • Söz sözü çəkər, arşın bezi.
  • Söz sözün dayağıdır.
  • Söz var el içində, söz var ev içində.
  • Söz vaxtına çəkər.
  • Söz verər, bez verməz.
  • Sözdən söz çıxar.
  • Sözdən söz götürür.
  • Sözlə plov olmaz, yağ ilə düyü gərək.
  • Sözsüz ev olmaz,
    çalqısız toy olmaz.
  • Sözü ağzında bişir, sonra çıxart.
  • Sözü asta, ürəyi tasvasda.
  • Sözü at, yiyəsi götürər.
  • Sözü məqamında deyərlər.
  • Sözü söz kəsər.
  • Sözü sözdən alarlar.
  • Sözü yaxşı anla, Sonra qızıb banla.
  • Sözün başı axırından bilinər.
  • Sözün damarı olar, çəkdikcə uzanar.
  • Sözün də qanadı var.
  • Sözün doğrusun de, min atını çap.
  • Sözün doğrusunu zarafatla deyərlər.
  • Sözün yalanı olmaz, yanlışı olar.
  • Sözün yaxşısı baldan şirin olar.
  • Sözün zahiri zərif, batini lətif olmalıdır.
  • Sözünü bilməyənə aşağı başda da yer yoxdur.
  • Yağmasan da gurulda.
  • Yalan ayaq tutar, yeriməz.
  • Yalan danışan hamını qanmaz bilər.
  • Yalan ilə dünyanı gəzmək olar, qayıtmaq olmaz.
  • Yalan ki var, doğrunun quludur.
  • Yalan söz üz qizardar.
  • Yalançı tamahkarı aldadar.
  • Yalançını mənzilənədək qov!
  • Yalançının evinə od düşdü, heç kəs inanmadı.
  • Yalançının hafizəsi olmaz.
  • Yalançının üzü qara olar.
  • Yaman dil başa bəladır.
  • Yaman yeyənin olsun, yaman deyənin olmasın.
Top