Əsas səhifə "İnsan qüsurları" haqqında atalar sözləri
  • Abdalın qarnı doyunca, gözü qapıda qalar
  • Abırsızdan abrını gözlə.
  • Adam olmayan yerdə adamdır.
  • Adam var gözdən qızar,
    Adam var sözdən qızar.
  • Adam var ki, adamların naxşıdır,
    Adam var ki, heyvan ondan yaxşıdır,
    Adam var ki, dindirərsən "can" deyər,
    Adam var ki, dindirməsən yaxşıdır.
  • Adam var ki, rəhmət aparar,
    Adam var ki, lənət aparar.
  • Adamın başına nə bəla gəlsə, dilindən gələr.
  • Adı it dəftərində də yoxdur.
  • Ağa gətirər navala, xanım tökər çuvala.
  • Ağa Nəzərəm, belə gəzərəm, bir vuranda qırxın əzərəm.
  • Ağacı qurt yeyər, insanı dərd.
  • Ağıl çox - pul yox, ağıl yox - pul çox.
  • Ağıllı olan bir dəfə aldanar.
  • Ağır otur, batman gəl.
  • Ağzına çullu dovşan sığışmır.
  • Al - ver deyiblər, al vermə deməyiblər.
  • Ala itdən məşhurdur.
  • Aldığını verməz, bildiyini deməz.
  • Alim olmaq asandır, adam olmaq çətin...
  • Arı yeyib, namusu atıb dalına.
  • Artıq tamah baş yarar.
  • At verməyin nə, "yavaş get" deməyin nə?
  • Atasının gözünü çıxardıb, adını qoyub Koroğlu.
  • Ayı qandı, abid qanmadı.
  • Az idi arıq-uruq, biri də gəldi dabanı yarıq.
  • Aza qane olmayan, çoxa çatmaz.
  • Bağa qınından çıxdı, qının bəyənmədi.
  • Bağda ərik var idi, salam-əleyk var idi,
    bağdan ərik qurtardı, salam-əleyk qurtardı.
  • Barmağının beşini də bal elə, pis adamın ağzına sal, yenə deyər: acıdır.
  • Başı daşa dəyməyincə ağlı başına gəlməz.
  • Başından böyük danışma.
  • Başını yarıb, ətəyinə qoz tökür.
  • Bazarın bazar, qadam sənə mərdumazar!
  • Bədəsil əsil olmaz, boyunca qızıl qala.
  • Bədəsili başa çəkərsən, sürüşüb ayağa düşər.
  • Belə otlayan idin, niyə arıq düşdün?
  • Beşdə alacağın yox, üçdə verəcəyin.
  • Bığdan götürüb, saqqala qoyur.
  • Bildiyini babasına da verməz...
  • Bir ac qudurar, bir yalavac.
  • Bir dadanandan qorx, bir qudurandan.
  • Bir gözü alça dərir, bir gözü gavalı.
  • Bir napakdan qorun, bir də köpəkdən.
  • Bir qəpiklik qutab kimi özünü ortaya soxma.
  • Bir tikəni bilməyən, min tikəni də bilməz.
  • Bir versən bir də istər, Yatmağa yer də istər.
  • Bir yeyərəmdən qorx, bir də yemərəm deyəndən.
  • Birə bir deyiblər, birə iki deməyiblər.
  • Boşdan bir çıxar, bərkdən iki.
  • Boyaqxana küpünü azdırma.
  • Bu uşaqlıq deyil, şıltaqlıqdır.
  • Buğda çörəyin yoxdursa, buğda dilinə nə gəlib...
  • Buğda göstərir, arpa satır.
  • Burda mənəm, Bağdadda kor xəlifə.
  • Burnun girməyən yerə başını soxma.
  • Buynuzsuz qoçun qisası, buynuzlu qoçda qalmaz.
  • Canavardan qorxan meşəyə girməz.
  • Canavarın nə qocası, nə cavanı.
  • Çanax öz başında sınar.
  • Çatana çatır, çatmayana bir daş atır.
  • Çörək itirən çörək tapmaz.
  • Çörəyini özü öz ayağı ilə tapdaladı.
  • Cücəni payızda sayarlar.
  • Dadanan qudurandan pis olar.
  • Dağarçığını çuval yanına qoyur.
  • Dedi - qodu ev yıxar.
  • Dəli dəlini görəndə çomağını yan tutar.
  • Dəli qazandı, ağıllı yedi.
  • Dəli qırmızı sevər, gic - sarı.
  • Demək olmur gözün üstə qaşın var.
  • Dərə xəlvət, tülkü bəy...
  • Dərə yiyəsiz olanda, donuz təpəyə çıxar.
  • Dəymişin qoyub, kalın dərir.
  • Dığ-dığ adamı azara salar.
  • Dili dost, qəlbi qara.
  • Dilim səni görüm dilim-dilim olasan.
  • Dilinin bəlasını çəkir.
  • Dini yeyib, imanını dalına atıb.
  • Diriyə hay verməz, ölüyə pay.
  • Dolunu yeyib, boşa təpik atır.
  • Duzu yeyib, duzqabını sındırır.
  • Ədəbi kimdən öyrəndin, ədəbsizsən.
  • Əhl ilə daş daşı, naəhl ilə yemə aşı.
  • Əl qatma harama.
  • Elə bilir yuxa arasında halva var.
  • Elə elə ki, nə şiş yansın, nə kəbab.
  • Elə yerdə otur, altına su çıxmasın.
  • Əlindən bir iş gəlməyən on danışar.
  • Əsli, nəcabəti olmayana qamçı neylər?
  • Eşşək palçığa bir dəfə batar.
  • Əvvəl arxı tullan, sonra bərəkallah de.
  • Əvvəldən nə idi hüsnü-camalı, indi oldu dəli Bayramalı.
  • Eyibli öz eybini bilsə, başına kilim örtər.
  • Əzizim əziz, tərbiyəsi ondan əziz.
  • Gah nala döyür, gah mıxa.
  • Gədaya borclu olsan, bir toyda deyər, bir də yasda.
  • Gedər bağlar qorası, qalar üzlər qarası.
  • Gedər bu dövran sənə də qalmaz.
  • Gəlin bəzənincə toy əldən gedər.
  • Gəlmisən ayran içməyə, gəlməmisən ara açmağa.
  • Gəmidə oturub gəmiçi ilə vuruşur.
  • Goru var ki, kəfəni də ola.
  • Gözlərindən qan damır.
  • Gözünü qırpdın, sənin deyil
  • Gündüz gəzər obanı, Gecə sancar dabanı.
  • Günü günə satmazlar.
  • Gününü düyünləyib göy əsgiyə.
  • Hamam suyu ilə özünə dost tutur.
  • Hayasızdan hayanı saxla.
  • Hazırın naziri.
  • Heç bilmir harada bişib, deyir bir çömçə də bəri ver.
  • Hələ quyruğu qapı arasında qalmayıb.
  • Hər işi tutdun, insafı əldən qoyma.
  • Hər kəs nə eləsə, özünə elər.
  • İçdin üzüm suyunu, Tökdün üzün suyunu.
  • İki canbaz bir ipdə oynamaz.
  • İlqarı olmayanın imanı da olmaz.
  • indi qoy heyvanı ged insanə gəl, ol xayaldan, keç bu gerçək canə gəl.
  • İnsan olmayan insan qədrin nə bilər!
  • İnsan zülmə tabedir.
  • İşini möhkəm tut, qonşunu oğru tutma.
  • İsti aşa soyuq su qatma.
  • İtdən çox çarıq aparan olmaz, yenə ayağı yalındır.
  • Kasıblıq eyib deyil, oğurluq eyibdir.
  • Keçi can hayında, qəssab piy hayında.
  • Kəl ölür, sırma saçlı olur,
    Kor ölür, badam gözlü olur.
  • Kifirə sabun, dəliyə öyüd neyləyər.
  • Kiminin əvvəli, kiminin axırı.
  • Kişi sözü üzə deyər.
  • Kişi tüpürdüyünü yalamaz.
  • Kişinin özünə baxma, sözünə bax.
  • Kişiüzlü arvaddan, arvadüzlü kişidən həzər.
  • Köhnə kəndə təzə nırx qoyur.
  • Köpək araba kölgəsində yatar, elə bilər öz kölgəsidir.
  • Kor kor, gör gör.
  • Kor tutduğun buraxmaz.
  • Külək kimi hərdən bir tərəfə əsmə.
  • Meşə çaqqalsız olmaz.
  • Milçək bir şey deyil, könül bulandırır.
  • Miyançının kisəsi gen olar.
  • Nadiri taxtda görüb, Süleymanı qundaqda.
  • Nə qanır, nə qandırır.
  • Nəğdi qoyub, nisyə dalınca düşmə.
  • Niyyətin hara, mənzilin ora.
  • Od düşdüyü yeri yandırar.
  • Od ilə oynamaq olmaz.
  • Od olub aləmi yandırır...
  • Oddan kül törər, küldən nə törər?
  • Ölüdən də pay istəyir.
  • Ölünü öz başına qoyarsan, vurar kəfənin yırtar.
  • Ölünün dalınca danışmazlar.
  • Onun üzü - dəvənin dizi.
  • Ortada tetir, qıraqda gəzir.
  • Ot kökü üstə bitər.
  • Oxun atıb, yayın gizlətmə.
  • Oynamaq bilmir, deyir: yerim dardır.
  • Öz ağlını özgəyə vermə.
  • Özgə evində koxalıq eləməzlər.
  • Paxıl artmaz.
  • Pay verdi, dalınca xəbər göndərdi.
  • Pişiyi bağlayıb süfrə açır.
  • Pul verməz, can verər.
  • Qabaq dinən bilsə ki, sonra dinən nə deyəcək, heç dinməz.
  • Qamış ola, gomuş ola, görməmiş ola...
  • Qanana da can qurban, qanmayana da, dad yarımçıq əlindən.
  • Qanı qan ilə yumazlar.
  • Qanmaza hörmət edərsən, deyər: - "Məndən qorxur".
  • Qanmaza qoşulanı qanmaz çağırarlar.
  • Qapıdan qovursan, bacadan gəlir.
  • Qaraçı bir ələk verib, elə bil evə dirək verib.
  • Qarğa özün quş bilir, xaşıl özünü aş.
  • Qarğanı qırğı bilir.
  • Qarın başa bəladır.
  • Qarın qardaşdan irəlidir.
  • Qarın səndən aşağıdır.
  • Qarnı tox olan, qayğısız olar.
  • Qaydanı pozan peşman olar.
  • Qayınananın gücü qızına çatar.
  • Qazan qarası gedər, üz qarası getməz.
  • Qazancını it yeyər, yaxasını bit.
  • Qəlb odur ki, qəlbindəkin deməyə...
  • Qırqovul kimi başını kola soxub, elə bilir görünmür.
  • Qonağa get deməzlər, altından palazı çəkərlər.
  • Qonaq bu il burdadır, gələn il də sərasər.
  • Qonşunun toyuğu, qonşunun gözünə qaz görünər.
  • Qorğaya öyrənən çərəzsiz qalmaz.
  • Qurddur, qoyun dərisinə girib.
  • Quyu var, suyu yox.
  • Şadlığına şitlik eləmə.
  • Şaftalı tabağı kimi ortada durma.
  • Saman sənin deyil, samanlıq ki, sənindir.
  • Səhər gedər naxıra, axşam gələr axıra.
  • Sən ağa, mən ağa, inəkləri kim sağa.
  • Sən vurmadın, mən yıxmadım, bəs buna nə oldu?
  • Sənə vur dedilər, öldür ki, demədilər.
  • Sənin ipinlə quyuya girmək olmaz.
  • Siçandan törəyən kəsəyən olar.
  • Sirkə nə qədər tünd olsa, öz qabını sındırar.
  • Soğan yeməmisən, için niyə göynəyir?
  • Su bir yerdə qalanda iylənər.
  • Tazıya deyir tut, dovşana deyir qaç.
  • Tikan olub ayağa batınca, gül ol yaxaya sancıl.
  • Tülkünün meydanda nə işi var ki, dərisinə qiymət qoyalar.
  • Tutub ucundan, gedir ucuzluğuna.
  • Uman yerdən küsərlər.
  • Üstü bəzək - altı təzək.
  • Varlılığa tələsən, yoxsulluğa tez düşər.
  • Və'z oxumaq asan işdir, əməl eləyən gərək.
  • Yanan da mən - yaman da mən.
  • Yemə namərd çörəyini, axırda başına vurar.
  • Yıxılanı vurmazlar.
  • Yiyəsinə baxıb atın nallayırlar.
  • Yükünü yığdı təpəyə, elə arxa çevirdi.
  • Yuxarı evə baxıb, aşağı evi yıxma.
  • Zər ilə olan, zor ilə olmaz.
  • Zorla qoyuna gedən köpəyin qoyuna nə faydası?
Top